దేశవ్యాప్తంగా మాసివ్ ఈవెంట్స్‌ను ప్లాన్ చేసిన ‘పుష్ప-2’ మేకర్స్

ఐకాన్ స్టార్ అల్లు అర్జున్ నటిస్తున్న ది మోస్ట్ అవైటెడ్ ప్రెస్టీజియస్ సీక్వెల్ మూవీ ‘పుష్ప-2’ డిసెంబర్ 5న ప్రపంచవ్యాప్తంగా గ్రాండ్ రిలీజ్‌కు రెడీ అయ్యింది. ఈ సినిమాను దర్శకుడు సుకుమార్ పక్కా ప్రణాళికతో తెరకెక్కిస్తూ బిజీగా ఉన్నాడు. ఇక ఈ సినిమాను పాన్ ఇండియా స్థాయిలో భారీగా రిలీజ్ చేసేందుకు చిత్ర యూనిట్ సిద్ధమవుతోంది. ఈ క్రమంలోనే ఈ మూవీకి సంబంధించిన మాసివ్ ప్రమోషన్స్‌కు సంబంధించిన వివరాలను తాజాగా రివీల్ చేశారు.

‘పుష్ప-2’ చిత్ర ప్రమోషన్స్‌ను ఇండియా వ్యాప్తంగా 7 మహానగరాల్లో గ్రాండ్‌గా నిర్వహించనున్నారు. పాట్నా, కోల్‌కతా, చెన్నై, కొచ్చి, బెంగళూరు, ముంబై, హైదరాబాద్ నగరాల్లో వరుసగా మాసివ్ ఈవెంట్స్‌ను నిర్వహించబోతున్నట్లుగా చిత్ర యూనిట్ తాజాగా వెల్లడించింది. ఇక ఈ ప్రమోషనల్ ఈవెంట్‌లో భాగంగా ట్రైలర్ లాంచ్‌ను పాట్నాలో భారీ స్థాయిలో రిలీజ్ చేసేందుకు మేకర్స్ రెడీ అవుతున్నారు.

ఇలా దేశవ్యాప్తంగా ప్రమోషన్స్‌ను మాసివ్‌గా ప్లాన్ చేయడంతో ‘పుష్ప-2’ నేషన్‌వైడ్‌గా భారీ అంచనాలను క్రియేట్ చేయడం ఖాయమని చెప్పాలి. ఇక ఈ సినిమాతో అల్లు అర్జున్ ఇండియన్ బాక్సాఫీస్‌ను షేక్ చేయడం ఖాయమని అభిమానులు ధీమా వ్యక్తం చేస్తున్నారు. రష్మిక మందన్న, ఫహాద్ ఫాజిల్, సునీల్, అనసూయ భరద్వాజ్ తదితరులు ఇతర ముఖ్య పాత్రల్లో నటిస్తున్నారు. దేవిశ్రీ ప్రసాద్ సంగీతం అందిస్తున్న ఈ సినిమాను మైత్రీ మూవీ మేకర్స్ ప్రొడ్యూస్ చేస్తున్నారు.