ఐకాన్ స్టార్ అల్లు అర్జున్ నటిస్తున్న ది మోస్ట్ అవైటెడ్ మూవీ ‘పుష్ప-2’ డిసెంబర్ 5న వరల్డ్‌వైడ్‌గా గ్రాండ్ రిలీజ్‌కు రెడీ అయ్యింది. సుకుమార్ తనదైన మార్క్ టేకింగ్‌తో ఈ సినిమాను నెక్స్ట్ లెవెల్‌లో తెరకెక్కిస్తున్నాడు. అయితే, ఈ సినిమాకు సంబంధించిన షూటింగ్ చివరి దశలో ఉందని చిత్ర వర్గాలు చెబుతున్నాయి.
ఈ మూవీ షూటింగ్ మొత్తం నవంబర్ 12 లేదా 13వ తేదీలోపు పూర్తవుతుందని చిత్ర వర్గాల నుండి తెలుస్తోంది. ఇక ఆ తరువాత ఈ సినిమాను గ్రాండ్‌గా ప్రమోట్ చేసేందుకు చిత్ర యూనిట్ రెడీ అవుతోంది. ఈ సినిమాను పాన్ ఇండియా స్థాయిలో అత్యంత భారీగా రిలీజ్ చేసేందుకు మేకర్స్ రెడీ అవుతున్నారు.
రష్మిక మందన్న హీరోయిన్‌గా నటిస్తున్న ఈ సినిమాలో ఫహద్ ఫాజిల్, సునీల్, అనసూయ తదితరులు ఇతర ముఖ్య పాత్రల్లో నటిస్తున్నారు. ఈ సినిమాకు దేవిశ్రీ ప్రసాద్ సంగీతం అందిస్తుండగా, మైత్రీ మూవీ మేకర్స్ వారు ఈ సినిమాను భారీ బడ్జెట్‌తో ప్రొడ్యూస్ చేస్తున్నారు.