ఐకాన్ స్టార్ అల్లు అర్జున్ హీరోగా రష్మిక మందన్న హీరోయిన్ గా సుకుమార్ దర్శకత్వంలో ప్రస్తుతం తెరకెక్కుతున్న భారీ పాన్ ఇండియన్ మూవీ పుష్ప 2 (పుష్ప ది రూల్). మైత్రి మూవీ మేకర్స్ బ్యానర్ పై అత్యంత ప్రతిష్టాత్మకంగా గ్రాండ్ లెవెల్లో రూపొందుతోన్న ఈ మూవీకి రాక్ స్టార్ దేవిశ్రీప్రసాద్ సంగీతం అందిస్తున్నారు. ఇటీవల ప్రేక్షకాభిమానుల ముందుకి వచ్చి పెద్ద సక్సెస్ సొంతం చేసుకున్న పుష్ప 1 (పుష్ప ది రైజ్) మూవీ కి సీక్వెల్ గా తెరెకెక్కుతోన్న పుష్ప 2 పై అల్లు అర్జున్ ఫ్యాన్స్ తో పాటు ఆడియన్స్ లో కూడా బాగా క్రేజ్ ఉంది. కాగా నిన్న ఈ మూవీ నుండి ఫస్ట్ లుక్ టీజర్ తో పాటు అల్లు అర్జున్ విభిన్న గెటప్ లో ఉన్న ఫస్ట్ లుక్ పోస్టర్ ని కూడా రిలీజ్ చేసారు మేకర్స్.
అయితే విషయం ఏమిటంటే, ఆ స్పెషల్ పోస్టర్ ప్రస్తుతం సోషల్ మీడియా మాధ్యమాల్లో ఒక సెన్సేషనల్ రికార్డు ని సొంతం చేసుకుంది. అల్లు అర్జున్ ట్విట్టర్ హ్యాండిల్ లో 207కె లైక్స్, ఇన్స్టాగ్రామ్ లో 5 మిలియన్ లైక్స్, ఫేస్ బుక్ లో 850 కె లైక్స్ సొంతం చేసుకుని మొత్తం సోషల్ మీడియాలోనే టాప్ రికార్డు కొట్టిన ఫస్ట్ లుక్ పోస్టర్ గా నిలవడంతో యూనిట్ ఆనందం వ్యక్తం చేయడంతో పాటు తప్పకుండా రిలీజ్ తరువాత పుష్ప 2 మూవీ అందరి అంచనాలు అందుకుని బాక్సాఫీస్ దగ్గర భారీ సక్సెస్ అందుకోవడం ఖాయం అని యూనిట్ ఆశాభావం వ్యక్తం చేస్తోంది.