ఐకాన్ స్టార్ అల్లు అర్జున్ నటిస్తున్న ది మోస్ట్ అవైటెడ్ మూవీ ‘పుష్ప-2’ కోసం యావత్ ప్రేక్షకులు ఏ రేంజ్‌లో వెయిట్ చేస్తున్నారో అందరికీ తెలిసిందే. క్రియేటివ్ డైరెక్టర్ సుకుమార్ ఈ సినిమాను బ్లాక్‌బస్టర్ మూవీ ‘పుష్ప-1’కి సీక్వెల్‌గా తెరకెక్కిస్తున్నాడు. ఇక ఈ సినిమా ప్రస్తుతం శరవేగంగా షూటింగ్ జరుపుకుంటోంది. అయితే, ఈ సినిమాలోని లిరికల్ సాంగ్స్, టీజర్‌లకు ఇప్పటికే సోషల్ మీడియా షేక్ అవుతోంది.
తాజాగా ఈ సినిమాలోని ‘పుష్ప పుష్ప’ ఫస్ట్ లిరికల్ సాంగ్ ఓ సాలిడ్ ల్యాండ్‌మార్క్‌ను టచ్ చేసింది. ఈ పాట యూట్యూబ్‌లో ఏకంగా 150 మిలియన్ వ్యూస్ మార్క్‌ను టచ్ చేసినట్లుగా మేకర్స్ అఫీషియల్‌గా వెల్లడించారు. దీంతో పుష్ప మానియా దేశవ్యాప్తంగా ఏ రేంజ్‌లో ఉందో అర్థమవుతోంది. ఇక అల్లు అర్జున్ ఈ సినిమాతో మరోసారి ఇండియన్ బాక్సాఫీస్‌ను రఫ్ఫాడించడం ఖాయమని అభిమానులు భావిస్తున్నారు.
ఈ సినిమాలో అందాల భామ రష్మిక మందన్న హీరోయిన్‌గా నటిస్తోండగా సునీల్, అనసూయ, ఫహాద్ ఫాజిల్ తదితరులు ఇతర ముఖ్య పాత్రల్లో నటిస్తున్నారు. దేవిశ్రీ ప్రసాద్ సంగీతం అందిస్తున్న ఈ సినిమాను డిసెంబర్ 6న రిలీజ్ చేసేందుకు మేకర్స్ రెడీ అవుతున్నారు.