పాన్ ఇండియా స్టార్ హీరో, ఐకాన్ స్టార్ అల్లు అర్జున్ ప్రధాన పాత్రలో, డైరెక్టర్ సుకుమార్ దర్శకత్వంలో తెరకెక్కిన రా అండ్ విలేజ్ యాక్షన్ ఎంటర్టైనర్ పుష్ప ది రైజ్. ఈ చిత్రం థియేటర్ల లో రిలీజ్ అయ్యి ప్రేక్షకులను, అభిమానులని విశేషం గా ఆకట్టుకుంది. సౌత్, నార్త్ అని సంబంధం లేకుండా, మొత్తం ఇండియా నే షేక్ చేసింది ఈ సినిమా. ఈ చిత్రం బుల్లితెర పై కూడా అదే జోరు కనబరుస్తోంది.
ఈ చిత్రం చివరి వారం ప్రముఖ టీవీ ఛానల్ స్టార్ మా లో ప్రసారం అయ్యింది. దీనికి 5.88 టీఆర్పీ రేటింగ్ వచ్చింది. సినిమా టెలికాస్ట్ అయిన ప్రతిసారీ కూడా ఈ చిత్రం మంచి రెస్పాన్స్ ను సొంతం చేసుకుంటుంది. ఈ చిత్రం కి సీక్వెల్ గా తెరకెక్కుతున్న పుష్ప 2 ది రూల్ పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.