ఐకాన్ స్టార్ అల్లు అర్జున్ హీరోగా రష్మిక మందున్న హీరోయిన్ గా సుకుమార్ దర్శకత్వంలో తెరకెక్కిన బ్లాక్ బస్టర్ పాన్ ఇండియన్ మూవీ పుష్ప ది రైజ్. గత ఏడాది డిసెంబర్ లో రిలీజ్ అయిన ఈ మూవీలో పుష్ప రాజ్ గా అల్లు అర్జున్ సూపర్ యాక్టింగ్ తో పాటు సుకుమార్ వండర్ఫుల్ టేకింగ్ వెరసి మూవీని ఎంతో పెద్ద సక్సెస్ చేసాయి. ఇక ఈ మూవీకి రాక్ స్టార్ దేవిశ్రీప్రసాద్ అందించిన సాంగ్స్ అన్ని కూడా ఆడియన్స్ ని ఎంతో ఆకట్టుకున్నాయి.
దేశవ్యాప్తంగా అనేక భాషల ఆడియన్స్ సైతం పుష్ప మూవీ తో పాటు సాంగ్స్ కూడా అలరించాయి. అయితే అసలు మ్యాటర్ ఏమిటంటే, ఈ మూవీలోని సామి సామి సాంగ్ కి యూత్ తో పాటు మాస్ ఆడియన్స్ ఎంతో కనెక్ట్ అయ్యారు. కాగా ఈ ఫుల్ వీడియో ప్రస్తుతం యూట్యూబ్ లో ఏకంగా 100 మిలియన్ వ్యూస్ సొంతం చేసుకుని సెన్సేషనల్ రికార్డు నెలకొల్పింది. అలానే పుష్ప లోని ఇతర సాంగ్స్ కి కూడా యూట్యూబ్ లో సూపర్ గా రెస్పాన్స్ లభించిన విషయం తెలిసిందే.