బాలీవుడ్ నటుడు జాకీ షరఫ్, స్టార్ బ్యూటీ సన్నీ లియోన్, ట్యాలెంటెడ్ నటి ప్రియమణి, సారా అర్జున్ ముఖ్య పాత్రల్లో నటిస్తున్న చిత్రం QG. ఈ సినిమాను వివేక్ కుమార్ కన్నన్ డైరెక్ట్ చేశారు. పాన్ ఇండియా మూవీగా రాబోతున్న QG చిత్రాన్ని తెలుగులోనూ మంచి హైప్‌తో రిలీజ్ చేసేందుకు మేకర్స్ సిద్ధమవుతున్నారు.
ఈ క్రమంలో QG చిత్ర వరల్డ్‌వైడ్ తెలుగు రైట్స్‌ని రుషికేశ్వర్ ఫిలిమ్స్ బ్యానర్‌పై నిర్మాత ఎం.వేణుగోపాల్ సొంతం చేసుకున్నారు. మంచి ఫ్యాన్సీ రేటుకు ఆయన ఈ చిత్ర రిలీజ్ రైట్స్ సొంతం చేసుకున్నట్లు తెలుస్తోంది. ఇక భారీ క్యాస్టింగ్‌తో రాబోతున్న ఈ సినిమాకు సంబంధించిన టీజర్ ఇప్పటికే రిలీజ్ అయ్యి సినిమాపై మంచి బజ్‌ను క్రియేట్ చేసింది.
ఈ సందర్భంగా నిర్మాత ఎం.వేణుగోపాల్ మాట్లాడుతూ.. ‘‘ఎంతో హెవీ కాంపిటీషన్లో కూడా ఈ సినిమా తెలుగు వరల్డ్ వైడ్ రిలీజ్ రైట్స్ నాకు ఇచ్చినందుకు తమిళ నిర్మాతలకు ప్రత్యేకంగా కృతజ్ఞతలు తెలియజేస్తున్నాను. ఈ సినిమా టీజర్‌కి చాలా మంచి రెస్పాన్స్ వస్తోంది. అదేవిధంగా ఇప్పుడు రిలీజ్ అయిన ఫస్ట్ లుక్ పోస్టర్‌కి చాలా అద్భుతమైన రెస్పాన్స్ వస్తోంది. జాకీ షరాఫ్, ప్రియమణి, సన్నీ లియోన్, సారా నటన సినిమాకి హైలైట్‌గా నిలుస్తాయి. అతి త్వరలో సినిమాని మా రుషికేశ్వర్ ఫిలిమ్స్, ఫిల్మ్ నటి ప్రొడక్షన్స్, వై స్టూడియోస్ సంస్థల ద్వారా తెలుగులో గ్రాండ్‌గా రిలీజ్ చేస్తున్నాము. తెలుగు ప్రేక్షకులు కంటెంట్ ఉంటే చిన్న సినిమా పెద్ద సినిమా అనే తేడా లేకుండా మంచి విజయాన్ని అందిస్తారు. ఈ సినిమాను కూడా ఆదరించి పెద్ద సక్సెస్ చేస్తారని ఆశిస్తున్నాను’’ అని అన్నారు.