కోలీవుడ్ స్టార్ హీరో ధనుష్ హీరోగా నటించిన లేటెస్ట్ మూవీ రాయన్. ఈ చిత్రానికి ధనుష్ దర్శకత్వం కూడా వహించారు. లేటెస్ట్ న్యూస్ ఏంటంటే, ఈ చిత్రం స్క్రీన్ ప్లే అకాడమీ ఆఫ్ మోషన్ పిక్చర్ ఆర్ట్స్ అండ్ సైన్సెస్ కి సెలెక్ట్ అయ్యింది. ఇది గొప్ప విషయం. ఈ న్యూస్ తో చిత్ర యూనిట్, అభిమానులు సంతోషం వ్యక్తం చేస్తున్నారు.
ఈ చిత్రం మరో పక్క బాక్సాఫీస్ వద్ద భారీ వసూళ్లతో దూసుకు పోతుంది. ఇప్పటికే ఈ చిత్రం వంద కోట్ల క్లబ్ లో చేరి సెన్సేషన్ క్రియేట్ చేసింది. సన్ పిక్చర్స్ పతాకంపై కళానిధి మారన్ నిర్మించిన ఈ చిత్రంలో ఎస్.జే. సూర్య, సందీప్ కిషన్, కాళిదాస్ జయరామ్, సెల్వ రాఘవన్, ప్రకాష్ రాజ్, దుషర విజయన్, అపర్ణ బాలమురళీ, వరలక్ష్మి శరత్ కుమార్, శరవణన్ లు కీలక పాత్రల్లో నటించారు. ఆస్కార్ అవార్డు విన్నర్ రెహమాన్ సంగీతం అందించిన ఈ చిత్రం లాంగ్ రన్ లో మరింత వసూళ్లను రాబట్టే అవకాశాలు కనిపిస్తున్నాయి.