సుప్రసిద్ధ సంగీత దర్శకుడు, ఆస్కార్ అవార్డు గ్రహీత ఎఆర్ రెహమాన్ కీర్తి కిరీటం లో మరో అవార్డు చేరనుంది. త్వరలో రాబోయే దుబాయ్ ఇంటర్ నేషనల్ ఫిలిం ఫెస్టివల్ లో ఆయన అత్యున్నత అవార్డు ఐన జీవిత సాఫల్య పురస్కారాన్ని అందుకోనున్నారు . ఈ మహత్తర పండుగ డిసెంబర్ 7 వ తేదీ నుంచి – 14 వరకూ జరుగుతుంది.
దీంతో ఈ అవార్డు సొంతం చేసుకున్న అతి పిన్న వయస్కుడిగా రెహమాన్ ఘనత వహిస్తారు. సినీ రంగంలో తమ అమూల్యమైన సేవలకుగాను గతంలో ఈ అవార్డు పొందిన ప్రముఖుల్లో అమితాబ్ బచ్చన్, షారూక్ ఖాన్, యాష్ చోప్రా, ఇంకా, సుభాష్ ఘయ్ ఉన్నారు.
