టాలీవుడ్ యంగ్ అండ్ టాలెంటెడ్ హీరో రాజ్ తరుణ్ తన డిజిటల్ డెబ్యూట్ ని రీసెంట్ గానే ప్రముఖ స్ట్రీమింగ్ యాప్ జీ 5 తో ఇచ్చిన సంగతి అందరికీ తెలిసిందే. మరి దర్శకుడు సంజీవ్ రెడ్డి తెరకెక్కించిన ఈ వెబ్ షో జీ 5 లో మంచి టాక్ ని కూడా అందుకొని రాజ్ తరుణ్ మరియు హీరోయిన్ శివాని రాజశేఖర్ లకు మంచి డెబ్యూ గా ఇది నిలవగా ఇప్పుడు జీ 5 లో అయితే ఈ సిరీస్ లో భారీ స్థాయి రెస్పాన్స్ ని అందుకుంది.
మరి గత వారం స్ట్రీమింగ్ కి వచ్చిన ఈ సిరీస్ అయితే ఏకంగా ఇప్పుడు 50 మిలియన్ నిమిషాలకి పైగా స్ట్రీమింగ్ మినిట్స్ సాధించి రికార్డు బ్రేకింగ్ గా నిలిచింది. దీనితో మేకర్స్ అయితే ఆనందం వ్యక్తం చేస్తున్నారు. ఇక ఈ సిరీస్ లో హర్షవర్ధన్, ఆమని, పోసాని కృష్ణ మురళి తదితరులు కీలక పాత్రల్లో నటించగా శాండీ సంగీతం అందించాడు అలాగే తమడ సూర్య రాహుల్ నిర్మాణం వహించారు.
