వరుస ప్లాపులతో ఫేడవుట్ అవుతున్న హీరో రాజ్ తరుణ్, ఇటీవల బ్యాక్ టు బ్యాక్ చిత్రాలతో ప్రేక్షకుల ముందుకు వచ్చాడు. అయితే, ఆ రెండు చిత్రాలు కూడా పెద్దగా ఆకట్టుకోలేకపోయాయి. దీంతో ఇప్పుడు మరో సినిమాతో తన అదృష్టాన్ని పరీక్షించు కునేందుకు సిద్ధమయ్యాడు ఈ హీరో. ‘భలే ఉన్నాడే..!’ అనే ఇంట్రెస్టింగ్ మూవీతో ప్రేక్షకులను అలరించేందుకు రెడీ అయ్యాడు.
తాజాగా ఈ చిత్ర ట్రైలర్‌ను మేకర్స్ రిలీజ్ చేశారు. ఈ ట్రైలర్ ఆద్యంతం కామెడీ సీన్స్‌తో నింపేశారు చిత్ర యూనిట్. రాజ్ తరుణ్ కొత్త లుక్‌లో కనిపించడంతో ఈ ట్రైలర్ ఆడియెన్స్‌లో క్యూరియాసిటీని క్రియేట్ చేసింది. ఇక హీరోలోని మగాడిని చూసేందుకు హీరోయిన్ చేసే ప్రయత్నాలు కాస్త బోల్డ్‌గా ఉన్నా, కామెడీ ఫ్యాక్టర్స్‌తో ఫన్‌ను జెనరేట్ చేశారు. ఈ ట్రైలర్‌లో మనకు చాలా మంది ఆర్టిస్టులు కనిపించారు.
మనీషా కంద్కుర్ హీరోయిన్‌గా నటించిన ఈ సినిమాను శివసాయి వర్ధన్ డైరెక్ట్ చేశారు. శేఖర్ చంద్ర సంగీతం అందించిన ఈ మూవీని ఎన్‌వి కిరణ్ కుమార్ ప్రొడ్యూస్ చేశారు. ఈ సినిమాకు సంబంధించిన రిలీజ్ డేట్‌ని త్వరలోనే అనౌన్స్ చేయనున్నారు.
