హీరో రాజ్ తరుణ్ ఇటీవల వరుస సినిమాలతో ప్రేక్షకుల ముందుకు వచ్చి తన అదృష్టాన్ని పరీక్షించుకున్నాడు. పూర్తి ఫ్యామిలీ ఎంటర్‌టైనర్‌గా తెరకెక్కిన ‘పురుషోత్తముడు’ జూలై 26న థియేటర్లలో రిలీజ్ అయ్యింది. ఈ సినిమాపై రాజ్ తరుణ్ భారీ అంచనాలు పెట్టుకున్నాడు. కానీ, ఈ సినిమా ఎలాంటి బజ్ లేకుండా రిలీజ్ కావడంతో, బాక్సాఫీస్ దగ్గర బోల్తా కొట్టింది.
పురుషోత్తముడు చిత్రం థియేటర్లలోకి వచ్చి వెళ్లిన విషయం కూడా చాలా తక్కువ మందికి తెలుసు. అయితే, ఇప్పుడు ఈ సినిమా ఓటీటీ ఆడియెన్స్‌ను అలరించేందుకు సిద్ధమవుతోంది. ఈ చిత్రానికి సంబంధించిన ఓటీటీ రైట్స్‌ని ప్రముఖ ఓటీటీ ప్లాట్‌ఫామ్ ఆహా దక్కించుకుంది. ఇక ఈ సినిమాను ఆగస్టు 29 నుంచి ఆహాలో స్ట్రీమింగ్ చేస్తున్నట్లు ప్రకటించారు.
దీంతో ఈ సినిమా ఓటీటీ ఆడియెన్స్‌ను ఖచ్చితంగా ఇంప్రెస్ చేస్తుందని మేకర్స్ భావిస్తున్నారు. ఈ సినిమాను రామ్ భీమన డైరెక్ట్ చేయగా రమేశ్ తెజావత్, ప్రకాశ్ తెజావత్ ప్రొడ్యూసర్ చేశారు. హాసిని హీరోయిన్‌గా నటించిన ఈ చిత్రానికి గోపీ సుందర్ సంగీతం అందించాడు.