యంగ్ హీరో శ్రీ విష్ణు నటించిన లేటెస్ట్ మూవీ ‘స్వాగ్’ టీజర్‌ను మేకర్స్ తాజాగా రిలీజ్ చేశారు. దర్శకుడు హసిత్ గోలి డైరెక్ట్ చేస్తున్న ఈ సినిమాను పీపుల్ మీడియా ఫ్యాక్టరీ పై నిర్మాత విశ్వ ప్రసాద్ ప్రొడ్యూస్ చేస్తున్నారు. ఇక ఈ టీజర్ లాంచ్ సందర్బంగా ఆయన కొన్ని ఇంట్రెస్టింగ్ కామెంట్స్ చేయడం ఇప్పుడు హాట్ టాపిక్‌గా మారింది
స్వాగ్ టీజర్ లాంచ్ సందర్భంగా తమ బ్యానర్ నుంచి వరుస డిజాస్టర్స్ వస్తున్నందున ఎలాంటి జాగ్రత్తలు తీసుకొంటున్నారని ఓ విలేకరి అడిగిన ప్రశ్నకు విశ్వ ప్రసాద్ సమాధానం ఇస్తున్న సందర్భంగా ఓ అభిమాని ‘ది రాజా సాబ్’ అంటూ అరిచాడు. దీంతో ‘రాజా సాబ్’ ఏప్రిల్‌లో వస్తాడు.. ఇప్పటివరకు తమకు వచ్చిన నష్టాలను ‘రాజా సాబ్’ కవర్ చేస్తాడు అని విశ్వ ప్రసాద్ అన్నారు.
దీంతో ‘ది రాజా సాబ్’ మూవీపై మేకర్స్ ఏ స్థాయిలో కాన్పిడెంట్‌గా ఉన్నారో అర్థమవుతోంది. ఇక ‘ది రాజా సాబ్’ చిత్రంలో పాన్ ఇండియా స్టార్ ప్రభాస్ డార్లింగ్ లుక్‌లో కనిపిస్తాడు. ఈ సినిమాను దర్శకుడు మారుతి డైరెక్ట్ చేస్తున్నాడు.