అఖిలన్, వీణ, వినోద్ కుమార్, వాణీ విశ్వనాథ్, పవన్, విశాల్ పట్నీ, షణ్ముఖ్, మధు, అజయ్ రత్నం, అమృత చౌదరి, అంకిత ఠాకూర్ తదితరులు కీలక పాత్రల్లో నటించిన పొలిటికల్ డ్రామా రాజధాని ఫైల్స్. భాను దర్శకత్వం లో తెరకెక్కిన ఈ చిత్రం థియేటర్ల లో రిలీజ్ అయ్యి ప్రేక్షకులను అలరించడం లో విఫలం అయ్యింది. లేటెస్ట్ న్యూస్ ఏంటంటే, ఈ చిత్రం ఇప్పుడు వరల్డ్ టెలివిజన్ ప్రీమియర్ గా బుల్లితెర ప్రేక్షకుల ముందుకి రానుంది.
ఈ చిత్రం యొక్క శాటిలైట్ హక్కులను సొంతం చేసుకున్న ప్రముఖ టీవీ ఛానల్ ఈటీవీ లో రేపు ఉదయం 9:30 గంటలకు ప్రసారం కానుంది. కంఠమనేని రవి శంకర్ నిర్మాతగా వ్యవహరించిన ఈ చిత్రానికి మణిశర్మ సంగీతం అందించారు. ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.