కోలీవుడ్ సూపర్ స్టార్ రజినీకాంత్ హీరోగా ఇపుడు రెండు సినిమాల్లో బిజీగా ఉన్న సంగతి తెలిసిందే. మరి ఈ చిత్రాల్లో ఒకటి దర్శకుడు జ్ఞానవేల్ తెరకెక్కిస్తున్న “వేట్టైయన్” ఒకటి కాగా మరో చిత్రం దర్శకుడు లోకేష్ కనగరాజ్ తో చేస్తున్న భారీ చిత్రం “కూలీ” కూడా ఒకటి. మరి ఈ చిత్రాన్ని లోకేష్ తన మార్క్ సాలిడ్ క్యాస్టింగ్ తో ప్లాన్ చేస్తుండగా సౌత్ ఇండియా ఆడియెన్స్ లో ఓ రేంజ్ హైప్ ప్రస్తుతం నెలకొంది.
ఇక షూటింగ్ కూడా ఈ సినిమాది శరవేగంగా పూర్తి చేస్తుండగా ఈ చిత్రం ఎప్పుడు రిలీజ్ అవుతుంది అనేది లేటెస్ట్ బజ్ వినిపిస్తుంది. దీని ప్రకారం ఈ చిత్రం వచ్చే ఏడాది వేసవి కానుకగా రిలీజ్ చేయాలని మేకర్స్ ఫిక్స్ చేసినట్టుగా తెలుస్తుంది. ఇక ఈ చిత్రంలో కింగ్ నాగార్జున, శృతి హాసన్, ఉపేంద్ర తదితర స్టార్ లు నటిస్తుండగా అనిరుద్ సంగీతం అందిస్తున్నాడు. అలాగే సన్ పిక్చర్స్ ఈ చిత్రాన్ని నిర్మాణం వహిస్తున్న సంగతి అందరికీ తెలిసిందే.