త‌మిళ సూప‌ర్ స్టార్ ర‌జినీకాంత్ ప్రస్తుతం వ‌రుస‌బెట్టి సినిమాలు చేస్తూ బిజీగా ఉన్నారు. ఆయ‌న న‌టిస్తున్న లేటెస్ట్ మూవీ ‘వెట్టాయ‌న్’ ప్రేక్షకుల్లో మంచి అంచ‌నాల‌ను క్రియేట్ చేసింది. ఈ సినిమాను టిజె.జ్ఞాన‌వేల్ డైరెక్ట్ చేస్తుండ‌టంతో ఈ మూవీపై అంచ‌నాలు రెట్టింపు అయ్యాయి.

ఇక ఈ సినిమాకు సంబంధించి తాజాగా ఓ వార్త వినిపిస్తోంది. ‘వెట్టాయ‌న్’ సినిమాకు సంబంధించిన ఓటిటి పార్ట్న‌ర్ ను మేక‌ర్స్ లాక్ చేసిన‌ట్లుగా తెలుస్తోంది. ఈ సినిమా డిజిట‌ల్ స్ట్రీమింగ్ రైట్స్ ను ప్ర‌ముఖ ఓటిటి ప్లాట్ ఫామ్ అమెజాన్ ప్రైమ్ భారీ రేటుకు కొనుగోలు చేసింద‌ట‌. దీంతో ఈ సినిమాను ప్రైమ్ వీడియోలో స్ట్రీమింగ్ చేయ‌నుంద‌ట అమెజాన్.

కాగా, ఈ సినిమాలో ర‌జినీ పాత్ర అల్టిమేట్ గా ఉండ‌నుంద‌ని.. ప్రేక్ష‌కులు రజినీని చూసి అవాక్క‌వుతార‌ని చిత్ర యూనిట్ చెబుతోంది. ఇక ఈ సినిమాలో లెజెండరీ యాక్ట‌ర్ అమితాబ్ బ‌చ్చ‌న్ ఓ కీల‌క పాత్ర‌లో న‌టిస్తుండ‌గా, ఫ‌హాద్ ఫాజిల్, రానా ద‌గ్గుబాటి, మంజు వారియ‌ర్, రితికా సింగ్, రోహిణి, రావు ర‌మేష్ త‌దిత‌రులు ఇత‌ర ముఖ్య పాత్ర‌ల్లో న‌టిస్తున్నారు. ఈ చిత్రానికి అనిరుధ్ ర‌విచంద‌ర్ సంగీతం అందిస్తుండ‌గా, లైకా ప్రొడ‌క్ష‌న్స్ బ్యాన‌ర్ పై సుభాస్క‌రన్ ప్రొడ్యూస్ చేస్తున్నారు. అక్టోబ‌ర్ నెల‌లో ఈ సినిమాను రిలీజ్ చేసేందుకు మేక‌ర్స్ సిద్ధ‌మ‌వుతున్నారు.