సూపర్ స్టార్ రజని కాంత్ ఇటీవల విడుదలైన షారూక్ ఖాన్ సైన్స్ ఫిక్షన్ యాక్షన్ థ్రిల్లర్ ‘రా. వన్’ లో అతిధి పాత్ర చేసారు. ఆ విషయం మనకు తెలుసు. అందుకు కృతజ్ఞతగా షారూక్ BMW 7 సీరీస్ కారును రజని కి బహుమతిగా ఇవ్వాలని నిర్ణయించుకున్నాడు. ‘రా. వన్’ మూవీ దర్శకులు అనుభవ సిన్హా, అర్జున్ రాంపాల్ కూడా 7 సీరీస్ కార్లు అందుకోనున్నారు.
ఈ మూవీ లో హీరోయిన్ గా నటించిన కరీనా కూడా ఈ గిఫ్ట్ ను అందుకోనుందా అనేది ఇంకా తెలియరాలేదు. కాగా ‘రా. వన్’ చిత్రం బాక్స్ ఆఫీసు వద్ద పెద్దగా రాణించనప్పటికీ షారూక్ ఈ అంశాన్ని పెద్దగా పట్టించుకోవటం లేదు. అంతేకాదు ఈ సినిమాలో భాగస్వామి కావటమే ఎంతో ఆనందభరితం అంటున్నాడు.
అయితే ఈ చిత్రానికి విమర్శకుల నుంచి మిశ్రమ స్పందన వచ్చినప్పటికీ సిజిఐ, స్పెషల్ ఎఫ్ఫెక్ట్స్ విషయం లో విశ్వవ్యాప్తంగా మన్ననలు అందుకున్నదీ సినిమా .