భార‌తీయుడు-2లో ‘గేమ్ ఛేంజ‌ర్’ రిఫ‌రెన్స్

యూనివ‌ర్సల్ స్టార్ క‌మ‌ల్ హాస‌న్ న‌టించిన లేటెస్ట్ మూవీ ‘భార‌తీయుడు-2’ నేడు ప్ర‌పంచ‌వ్యాప్తంగా భారీ అంచ‌నాల మ‌ధ్య రిలీజ్ అయ్యింది. ఈ సినిమాను స్టార్ ద‌ర్శ‌కుడు శంక‌ర్ తెరకెక్కించ‌డంతో ఈ సినిమాను చూసేందుకు అభిమానులు ఆస‌క్తిగా ఉన్నారు. ఇక ఈ సినిమాతో మ‌రోసారి బాక్సాఫీస్ షేక్ కావ‌డం ఖాయ‌మ‌ని అభిమానులు ధీమా వ్య‌క్తం చేస్తున్నారు.

అయితే, ఈ సినిమాలో గ్లోబల్ స్టార్ రామ్ చ‌ర‌ణ్ న‌టిస్తున్న ‘గేమ్ ఛేంజ‌ర్’ మూవీకి సంబంధించి ఓ రిఫ‌రెన్స్ కూడా ఉన్న‌ట్లుగా తెలుస్తోంది. ఈ సినిమాలోని ఓ సీన్ లో ‘గేమ్ ఛేంజ‌ర్’ మూవీలోని ”జ‌ర‌గండి.. జ‌ర‌గండి” పాట లైన్స్ వినిపిస్తాయి. స‌ర్ప్రైజింగ్ గా వ‌చ్చిన ఈ రిఫ‌రెన్స్ తో అభిమానులు ఒక్క‌సారిగా విజిల్స్ వేస్తూ థియేట‌ర్ల‌లో హ‌ల్ చ‌ల్ చేస్తున్నారు.

రామ్ చ‌ర‌ణ్ న‌టిస్తున్న ‘గేమ్ ఛేంజ‌ర్’ మూవీని కూడా ద‌ర్శ‌కుడు శంక‌ర్ తెర‌కెక్కిస్తుండ‌టంతో ఈ సినిమా కూడా బాక్సాఫీస్ వ‌ద్ద సెన్సేష‌న్ క్రియేట్ చేయడం ఖాయ‌మ‌ని అభిమానులు కాన్ఫిడెంట్ గా ఉన్నారు. ఇక భార‌తీయుడు-2 సినిమాలో సిద్ధార్థ్, ర‌కుల్ ప్రీత్ సింగ్, బాబీ సింహా త‌దిత‌రులు ఇత‌ర ముఖ్య పాత్ర‌ల్లో న‌టించారు. ఈ చిత్రానికి అనిరుధ్ ర‌విచంద‌ర్ సంగీతం అందించాడు.