గ్లోబల్ స్టార్ రామ్ చరణ్ నటించిన లేటెస్ట్ మూవీ ‘గేమ్ ఛేంజర్’ నుండి ఎప్పుడెప్పుడా అని ఎంతో ఆసక్తిగా ఎదురుచూస్తున్న టీజర్ రానే వచ్చేసింది. దర్శకుడు శంకర్ తెరకెక్కిస్తున్న ఈ సినిమాను పూర్తి పొలిటికల్ యాక్షన్ డ్రామాగా రూపొందించారు. ఇక ఈ సినిమా టీజర్ ఆద్యంతం పవర్‌ఫుల్ ఎంటర్‌టైనింగ్‌గా ఉండటంతో అభిమానులు థ్రిల్ అవుతున్నారు.
ఈ సినిమాలో రామ్ చరణ్ రెండు వైవిధ్యమైన పాత్రల్లో నటిస్తున్నాడు. కాలేజీ స్టూడింట్ నుండి ఐఏఎస్ ఆఫీసర్‌గా మారిన రామ్ చరణ్ విలన్‌లకు ఎలాంటి చుక్కలు చూపెట్టాడు అనేది మనకు ఈ సినిమా కథగా చూపెట్టనున్నారు. ఇక మరో పాత్రలో రామ్ చరణ్ రైతు నాయకుడిగా కనిపించనున్నట్లు ఈ టీజర్ చూస్తే అర్థమవుతోంది. గ్రిప్పింగ్ స్క్రీన్‌ప్లేతో ఈ టీజర్ కట్ ఉండటం విశేషం.
పక్కా కంప్లీట్ ఎంటర్‌టైనర్ మూవీగా ‘గేమ్ ఛేంజర్’ రానుందని ఈ టీజర్‌తో ప్రూవ్ అయ్యింది. ఇక ఈ సినిమాలో ఎస్.జె.సూర్య, సునీల్, శ్రీకాంత్, అంజలి తదితరులు ఇతర ముఖ్య పాత్రల్లో నటిస్తుండగా అందాల భామ కియారా అద్వానీ హీరోయిన్‌గా నటిస్తోంది. ఈ సినిమాకు థమన్ సంగీతం అందిస్తుండగా దిల్ రాజు – శిరీష్‌లు భారీ బడ్జెట్‌తో ప్రొడ్యూస్ చేస్తున్నారు. సంక్రాంతి కానుకగా జనవరి 10న వరల్డ్‌వైడ్ గ్రాండ్ రిలీజ్‌కు ‘గేమ్ ఛేంజర్’ సిద్ధమయ్యింది.
