గ్లోబల్ స్టార్ రామ్ చరణ్ హీరోగా నటించిన లేటెస్ట్ అవైటెడ్ సినిమానే “గేమ్ ఛేంజర్”. ఇండియన్ జేమ్స్ కేమరూన్ శంకర్ తెరకెక్కించిన ఈ అవైటెడ్ మాస్ అండ్ ఎమోషనల్ పొలిటికల్ డ్రామా మంచి టాక్ ని సంతరించుకుంది. అయితే ఈ సినిమా విషయంలో మేకర్స్ సహా ఈ సినిమా యూఎస్ ప్రీ రిలీజ్ ఈవెంట్ కి వెళ్లిన సుకుమార్ చెప్పిన మాట అక్షర సత్యం అని చెప్పి తీరాలి.
రామ్ చరణ్ కెరీర్ లో బిగ్గెస్ట్ హిట్స్ లో సుకుమార్ తెరకెక్కించిన “రంగస్థలం” కూడా ఒకటి. అయితే అందులో రామ్ చరణ్ చేసిన చిట్టిబాబు పాత్ర ఆ సినిమాకే ప్రధాన బలంగా నిలిచింది. అయితే ఆ సమయంలో రామ్ చరణ్ కి తప్పకుండా జాతీయ అవార్డు వస్తుంది అని మొత్తం అందరితో పాటుగా సుకుమార్ కూడా అనుకున్నాను అని తెలిపారు.
కానీ అప్పుడు మిస్ అయ్యిన అవార్డు గేమ్ ఛేంజర్ లో చరణ్ పెర్ఫామెన్స్ చూసిన తర్వాత డెఫినెట్ గా వస్తుందని బల్లగుద్ది చెప్పినట్టు తెలిపారు. మరి సీన్ కట్ చేస్తే ఇపుడు గేమ్ ఛేంజర్ చూసిన వారి నోట ఇదే మాట వినిపిస్తుంది. అప్పుడు “రంగస్థలం”లో చిట్టిబాబు ఇప్పుడు “గేమ్ ఛేంజర్”లో అప్పన్న పాత్రకి అంతే ప్రశంసలు వస్తున్నాయి.
నటుడుగా రామ్ చరణ్ చేసిన ఈ సినిమాతో మరో మెట్టు ఎక్కాడనే మాటలు కూడా వినిపిస్తున్నాయి. అప్పట్లో రామ్ చరణ్ నుంచి ఆ రేంజ్ పెర్ఫామెన్స్ ని అందరూ ఎలాగైతే ఊహించలేదో ఇపుడు అప్పన్న విషయంలో కూడా అదే జరిగింది అని చెప్పి తీరాలి. ఇలా నటుడిగా మాత్రం రామ్ చరణ్ ఇపుడు “అన్ ప్రిడిక్టబుల్” అని చెప్పాల్సిందే.
