మెగా పవర్ స్టార్ రామ్ చరణ్ ఆర్ఆర్ఆర్ చిత్రంతో గ్లోబల్ స్టార్ గా మారిపోయారు. ఈ చిత్రానికి వచ్చిన క్రేజ్ అంతా ఇంతా కాదు. అయితే ఇప్పుడు అందరి దృష్టి కూడా రామ్ చరణ్ చేస్తున్న తదుపరి చిత్రాలపై ఉందని చెప్పడంలో అతిశయోక్తి లేదు. ఇప్పటికే శంకర్ దర్శకత్వంలో తెరకెక్కుతున్న గేమ్ చేంజర్ చిత్రం షూటింగ్ పూర్తి అయ్యింది. బుచ్చిబాబు సానా దర్శకత్వంలో తెరకెక్కబోయే చిత్రం కోసం సన్నద్ధం అవుతున్నారు చరణ్.
అయితే ఇటీవల ఒక ఇంటర్వ్యూ లో రామ్ చరణ్ చేసిన కామెంట్స్ ఒక్కసారిగా హాట్ టాపిక్ గా మారాయి. తనకు యాక్షన్ ఎంటర్టైనర్ లు ఇస్తామని చెప్పిన చరణ్, బుచ్చిబాబు దర్శకత్వంలో కామెడీ చిత్రం చేయనున్నట్లు తెలిపారు. ఇప్పటి వరకు కామెడీ జోనర్ టచ్ చేయని చరణ్, ఇలాంటి కామెంట్స్ తో బుచ్చిబాబు తో సినిమా ఎలా ఉండబోతుంది అనే దానిపై ఆసక్తి నెలకొంది.
మరొక పక్క బుచ్చిబాబు మాత్రం సినిమా రా అండ్ రస్టిక్ గా ఉంటుంది అని ఇప్పటికే చెప్పుకొచ్చారు. ఆస్కార్ అవార్డు విన్నర్ రెహమాన్ సంగీతం అందిస్తున్న ఈ చిత్రం షూటింగ్ త్వరలో ప్రారంభం కానుంది. ఈ చిత్రానికి సంబంధించిన మరిన్ని వివరాలు త్వరలో వెల్లడి కానున్నాయి.