గ్లోబ‌ల్ స్టార్ రామ్ చ‌ర‌ణ్ ప్ర‌స్తుతం లండ‌న్ లో ప‌ర్య‌టిస్తున్న సంగ‌తి తెలిసిందే. అక్క‌డ ప్ర‌సిద్ధ మేడ‌మ్ తుస్సాడ్స్ మ్యూజియంలో రామ్ చ‌ర‌ణ్ త‌న మైన‌పు విగ్ర‌హాన్ని ఆవిష్క‌రించ‌నున్నారు. దీంతో మెగా ఫ్యాన్స్ సంతోషం వ్య‌క్తం చేస్తున్నారు. చ‌ర‌ణ్ లండ‌న్ కు త‌న భార్య ఉపాస‌న‌తో పాటు కూతురు క్లిన్ కారా, త‌మ పెట్ రైమ్ ల‌ను కూడా తీసుకెళ్లారు.

అయితే, ఈ గ్యాప్ లో చ‌ర‌ణ్ ఓ ఫోటోషూట్ కూడా చేశాడు. దీని కోసం రామ్ తో పాటు ఆయన పెట్ రైమ్ ను కూడా ఫోటో షూట్ చేశారు. దీంతో ఫోటో షూట్ కోసం రామ్ అండ్ రైమ్ రెడీ అవుతున్న ఫోటో నెట్టింట వైర‌ల్ అవుతోంది. చ‌ర‌ణ్ అల్ట్రా స్టైలిష్ లుక్ లో క‌నిపిస్తుండ‌గా, రైమ్ కూడా అంతే క్లాసిక్ గా రెడీ అయ్యింది.

ఇక ఈ ఫోటోల‌ను మెగా ఫ్యాన్స్ నెట్టింట తెగ షేర్ చేస్తున్నారు. రైమ్ తో రామ్ కు ఉన్న బాండింగ్ ఇదే అంటూ వారు ఈ ఫోటోలకు క్యాప్ష‌న్ కూడా ఇస్తున్నారు. ఇక సినిమాల విష‌యానికి వ‌స్తే, చ‌ర‌ణ్ ప్ర‌స్తుతం ‘గేమ్ ఛేంజ‌ర్’ సినిమాతో అభిమానుల‌ను అల‌రించేందుకు సిద్ధ‌మ‌య్యాడు.