టాలీవుడ్ యంగ్ అండ్ టాలెంటెడ్ హీరోస్ లో ఎనర్జిటిక్ స్టార్ రామ్ పోతినేని కూడా ఒకడు. మరి రామ్ హీరోగా కావ్య థాపర్ హీరోయిన్ గా మాస్ అండ్ డాషింగ్ డైరెక్టర్ పూరి జగన్నాథ్ తెరకెక్కించిన సాలిడ్ యాక్షన్ డ్రామా “డబుల్ ఇస్మార్ట్” తో రాబోతున్నాడు. అయితే దీనికి ముందు రామ్, పూరి కాంబినేషన్ లో వచ్చిన చిత్రం “ఇస్మార్ట్ శంకర్” మాస్ లో సెన్సేషనల్ హిట్ కాగా ఇందులో రామ్ లుక్ మంచి మాస్ అండ్ రగ్గుడ్ గా కనిపిస్తుంది.
అయితే ఇదే లుక్ ని మళ్ళీ 2018 తర్వాత 2023 కి తీసుకురావాల్సి వచ్చింది. అయితే ఈ గ్యాప్ లో రామ్ నుంచి రెండు సినిమాలు కూడా వచ్చాయి. మరి వాటిలో దర్శకుడు బోయపాటి శ్రీనుతో చేసిన చిత్రం “స్కంద” కి రామ్ బరువు పెరగాల్సి వచ్చింది. ఆ సినిమా ఆద్యంతం రామ్ కొంచెం బల్కి లుక్ లోనే కనిపిస్తాడు.
మరి అలా ఆ సినిమాకి 86 కేజీలు మైంటైన్ చేసిన రామ్ మళ్ళీ డబుల్ ఇస్మార్ట్ కోసం స్లిమ్ లుక్ లోకి మారాల్సి వచ్చింది. దీనితో ఈ సినిమాకి కేవలం ఒక్క నెల గ్యాప్ లోనే 68 కేజీ లకు తగ్గి రెడీ అయ్యాడట. దీనితో సినిమా పట్ల తనకున్న ప్యాషన్ ఏ లెవెల్లో ఉందో మనం అర్ధం చేసుకోవచ్చు. ఇక ఈ చిత్రాన్ని ఛార్మి, పూరిలు నిర్మాణం వహించగా ఈ ఆగస్టు 15న పాన్ ఇండియా లెవెల్ రిలీజ్ కి సన్నాహాలు చేస్తున్నారు.
