ఇస్మార్ట్ శంకర్ బ్లాక్ బస్టర్ తర్వాత ఎనర్జిటిక్ స్టార్, హీరో రామ్ పోతినేని, డాషింగ్ డైరెక్టర్ పూరి జగన్నాధ్ డబుల్ ఇస్మార్ట్ తో మళ్లీ వస్తున్నారు. బాలీవుడ్ నటుడు సంజయ్ దత్‌ విలన్ పాత్రలో నటిస్తున్నారు. ఆగస్ట్ 15, 2024 న వరల్డ్ వైడ్ గా థియేటర్ల లో రిలీజ్ కాబోతున్న ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. మేకర్స్ మ్యూజికల్ ప్రమోషన్స్ ను షురూ చేశారు. ఈ చిత్రం నుండి ఫస్ట్ సింగిల్ అయిన స్టెప్ప మార్ ను జూలై 1 వ తేదీన రిలీజ్ చేయనున్నారు మేకర్స్.
ఇదే విషయాన్ని సరికొత్త పోస్టర్ ద్వారా వెల్లడించారు. మాస్ లుక్ లో ఉన్న రామ్ యొక్క పవర్ ఫుల్ పోస్టర్ ను విడుదల చేసారు. పోస్టర్ ఆడియెన్స్ ను విశేషం గా ఆకట్టుకుంటుంది. ఈ ఫస్ట్ సింగిల్ ప్రోమో రేపు ఉదయం 11:02 గంటలకు రిలీజ్ కనుంది. కావ్య థాపర్ హీరోయిన్ గా నటిస్తున్న ఈ చిత్రాన్ని పూరి జగన్నాథ్, ఛార్మి కౌర్ లు నిర్మిస్తున్నారు. మెలోడీ బ్రహ్మ మణిశర్మ సంగీతం అందిస్తున్న ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.