టాలెంటెడ్ నటుడు రానా దగ్గుబాటి క్రేజ్ గురించి ప్రత్యేకంగా చెప్పాల్సిన అవసరం లేదు. పాత్ర ఏదైనా ఆడియెన్స్ ను ఇట్టే ఆకట్టుకొనే నటన రానా ది. రానా తదుపరి సూపర్ స్టార్ రజినీకాంత్ ప్రధాన పాత్రలో నటిస్తున్న వేట్టైయాన్ లో కనిపించనున్నారు. ఈ నటుడు IIFA ఉత్సవం కాన్ఫరెన్స్ లో మాట్లాడుతూ పలు ఆసక్తికర విషయాలు వెల్లడించారు.
తన తదుపరి చిత్రం ఎప్పుడు ఉంటుంది అని విలేఖరి అడగగా, లైఫ్ అంతా కొత్త సినిమాలు చేస్తూ వచ్చాను, ఇప్పుడు అవన్నీ మామూలు సినిమాలు అయిపోయాయి. అందరూ చేస్తున్నారు. కొత్తదేమీ చేయాలి అని వెతుకుతున్నా అని అన్నారు. త్వరలో తన కొత్త సినిమా కి సంబందించిన ప్రకటన ఇవ్వనున్నట్లు తెలిపారు. అయితే లీడర్ 2 గురించి దర్శకుడు శేఖర్ కమ్ముల ను అడగండి అని అన్నారు. కల్కి చిత్రం సక్సెస్ పట్ల సంతోషం వ్యక్తం చేస్తూ, ఇప్పుడు కాదు, ముందునుండే సినిమా సక్సెస్ సాధిస్తుంది అనే నమ్మకం ఉంది అని అన్నారు. ఈ కామెంట్స్ సోషల్ మీడియాలో వైరల్ గా మారాయి.
