పిక్ టాక్: ‘జై హనుమాన్’ కోసం సిద్ధమవుతోన్న రానా దగ్గుబాటి..?

టాలీవుడ్ యంగ్ డైరెక్టర్ ప్రశాంత్ వర్మ తెరకెక్కించిన ‘హనుమాన్’ మూవీ ఇండియన్ బాక్సాఫీస్ దగ్గర ఎలాంటి సెన్సేషన్ క్రియేట్ చేసిందో అందరికీ తెలిసిందే. ఈ సినిమాకు సీక్వెల్ కూడా ఉంటుందని ప్రశాంత్ వర్మ గతంలోనే వెల్లడించాడు. ఇక ఈ సినిమాకు ‘జై హనుమాన్’ అనే టైటిల్‌ను కూడా ఫిక్స్ చేశాడు. అయితే, తాజాగా ఈ సినిమా నుండి వరుస అప్డేట్స్ ఇస్తూ ప్రశాంత్ వర్మ ప్రేక్షకుల్లో సాలిడ్ అంచనాలను క్రియేట్ చేస్తున్నాడు.

ఇటీవల ఈ సినిమాలో హనుమంతుడి పాత్రలో కన్నడ స్టార్ రిషబ్ శెట్టి నటిస్తున్నట్లు ప్రకటించాడు ప్రశాంత్ వర్మ. దీంతో ఈ సినిమా ఎఫ్పుడెప్పుడు వస్తుందా అని అభిమానులు ఎంతో ఆసక్తిగా చూస్తున్నారు. ఇక ఈ సినిమాలో మరో స్టార్ రానా దగ్గుబాటి కూడా నటిస్తున్నట్లు ప్రశాంత్ వర్మ తెలిపాడు. ఈ క్రమంలో రిషబ్ శెట్టి, ప్రశాంత్ వర్మ, రానా దగ్గుబాటిలు కలిసి ఉన్న ఫోటోను ప్రశాంత్ వర్మ తాజాగా సోషల్ మీడియాలో పోస్ట్ చేశాడు.

దీంతో ఈ సినిమాలో రానా దగ్గుబాటి ఎలాంటి పాత్రలో నటిస్తాడా అనేది ఆసక్తికరంగా మారింది. ఇక ఈ సినిమా రెగ్యులర్ షూటింగ్‌ను ప్రారంభించి వీలైనంత త్వరగా సినిమాను ముగించాలని చిత్ర యూనిట్ ప్లాన్ చేస్తోంది. ఈ సినిమాను మైత్రీ మూవీ మేకర్స్ వారు అత్యంత భారీ బడ్జెట్‌తో ప్రొడ్యూస్ చేయనున్నారు.