గత లాక్ డౌన్ కాలం నుంచి అయితే మన దేశంలో కూడా ఓటిటి వినియోగం మరింత ఎక్కువ అయ్యింది. దీనితో పలువురు ప్రముఖ స్టార్ లు కూడా తమ ఓటిటి డెబ్యూ ని ఇచ్చారు. అయితే వారిలో చాలా ఆసక్తి రేపిన ఓటిటి డెబ్యూ మాత్రం మన టాలీవుడ్ ఆల్ టైం ఫెవరేట్ హీరోస్ అయినటువంటి వెంకీ మామ మరియు రానా దగ్గుబాటి ల ఎంట్రీ అని చెప్పాలి. దిగ్గజ ఓటిటి ప్లాట్ ఫామ్ నెట్ ఫ్లిక్స్ లో అనౌన్స్ చేసిన “రానా నాయుడు” అనే సిరీస్ ఫస్ట్ లుక్ తోనే మంచి క్రేజ్ ని తెచ్చుకోగా ఇక ఓటీటీ లో లేటెస్ట్ గా స్ట్రీమింగ్ కి వచ్చింది ఒకొక్కరికి ఊహించని ట్రీట్ తో షాకిచ్చింది.
అయితే ఈ సిరీస్ అప్డేట్స్ ఫాలో కాకుండా డైరెక్ట్ గా చూసిన వాళ్ళకి అయితే వెంకీ మామ మరియు రానా ల నుంచి ఊహించని కోణం లో చూసే సరికి మరింత షాక్ అయ్యారని చెప్పాలి. దీనితో ఈ అంశం లో పెద్ద ఎత్తున టాక్ నడుస్తుండగా మరొకటి చాలా బోల్డ్ అండ్ హార్డ్ హిట్టింగ్ గా ఉన్న కంటెంట్ కోసం కూడా మాట్లాడుకుంటున్నారు. గతంలో మీర్జా పూర్ తరహా టైప్ లో అయితే కాకపోతే బాగా తెలిసిన స్టార్స్ కనపడే సరికి చాలా మంది ఒకింత ఇబ్బందిగా ఫీల్ అవుతున్నారు. ఏది ఏమైనప్పటికీ మాత్రం దగ్గుబాటి హీరోల డిజిటల్ డెబ్యూ చూసి షాకైన వారు ఎంత మంది ఉన్నారో అంతకంటే ఎక్కువ వారి నుంచి సరికొత్త కోణాన్ని చూసి ఎంజాయ్ చేస్తున్న వారు కూడా ఉన్నారని చెప్పాలి.