ప్రకాష్ రాజ్, రమ్య కృష్ణ, బ్రహ్మానందం ప్రధాన పాత్రల్లో, టాలెంటెడ్ డైరెక్టర్ కృష్ణ వంశీ దర్శకత్వంలో తెరకెక్కిన చిత్రం రంగమార్తాండ. ఈ చిత్రం థియేటర్ల లో రిలీజై ప్రేక్షకులను విశేషం గా ఆకట్టుకుంది. విమర్శకుల నుండి మంచి ప్రశంసలు కూడా అందుకుంది ఈ చిత్రం. ఈ చిత్రం రీసెంట్ గా ప్రముఖ టీవీ ఛానల్ స్టార్ మా లో వరల్డ్ టెలివిజన్ ప్రీమియర్ గా ప్రసారం అయిన సంగతి అందరికీ తెలిసిందే.
ఈ ప్రీమియర్ కి సూపర్ రెస్పాన్స్ వచ్చింది. ఈ చిత్రం 5.85 టీఆర్పీ రేటింగ్ ను రాబట్టడం జరిగింది. రాజ శ్యామల ఎంటర్టైన్మెంట్స్ మరియు హౌజ్ ఫుల్ మూవీస్ పతాకాల పై నిర్మించిన ఈ చిత్రానికి ఇళయరాజా సంగీతం అందించారు.రాహుల్ సిప్లిగంజ్, అలీ రెజా, అనసూయ భరద్వాజ, ఆదర్శ్ బాలకృష్ణ ఈ చిత్రం లో కీలక పాత్రల్లో నటించారు.
