మన తెలుగు సినిమా దగ్గర గుర్తుండిపోయే కొన్ని ఐకానిక్ సినిమాల్లో గ్లోబల్ స్టార్ రామ్ చరణ్ అలాగే దర్శకుడు సుకుమార్ ల కలయికలో వచ్చిన రూరల్ సెన్సేషనల్ హిట్ చిత్రం “రంగస్థలం” తప్పక ఉంటుంది. మరి ఈ చిత్రం విడుదల అయ్యి నేటికి ఏడేళ్లు పూర్తి కావడంతో మరొక్కసారి అభిమానులు ఈ సినిమా స్మృతులు మళ్ళీ వెనక్కి తెచ్చుకుంటున్నారు.
ఇక ఇదిలా ఉండగా ఇలాంటి సినిమా అందించిన కాంబినేషన్ నుంచి మరో చిత్రం అనౌన్స్ అయ్యిన సంగతి తెలిసిందే. రామ్ చరణ్ కెరీర్లో 18వ సినిమాగా దర్శకుడు సుకుమార్ తో మరోసారి అనౌన్స్ అయ్యిన ఈ సినిమాపై అనేక అంచనాలు నెలకొన్నాయి. కానీ లేటెస్ట్ గా మాత్రం వీరి కలయికలో సినిమా తాత్కాలికంగా వాయిదా పడినట్టుగా రూమర్స్ వినిపిస్తున్నాయి.
మొన్న చరణ్ బర్త్ డే కూడా ఈ కాంబినేషన్ పై ఎలాంటి అప్డేట్ రాకపోవడం గమనార్హం కాగా. ఈ సినిమా ప్రస్తుతానికి జరిగే సూచనలు కనిపించడం లేదు అని తెలుస్తుంది. అయితే చరణ్ 17వ సినిమాగా మరో దర్శకునితో ఉండొచ్చట. ఈ తర్వాత చరణ్ 18వ సినిమాగా సుకుమార్ కలయికలో ఉంటుంది అని టాక్. మరి దీనితో రంగస్థలం కాంబినేషన్ పై మంచి సస్పెన్స్ ఇపుడు నెలకొంది. ఇక మేకర్స్ నుంచి దీనిపై ఏమన్నా క్లారిటీ వస్తుందో లేదో చూడాలి మరి.