మలయాళ ఇండస్ట్రీలో లైంగిక వేధింపులు చేశాడంటూ ఓ హీరోపై కేసు నమోదయ్యింది. ‘ప్రేమమ్’ సినిమాతో మంచి పాపులారిటీ సంపాదించుకున్న హీరో నివీన్ పౌలిపై ఈ లైంగిక వేధింపుల కేసు నమోదు కావడం ప్రస్తుతం మాలీవుడ్‌ని షేక్ చేస్తోంది.
తనకు సినిమాల్లో అవకాశం ఇప్పిస్తానని చెప్పి, దుబాయ్‌కి తీసుకెళ్లాడని.. అక్కడ తనపై లైంగిక వేధింపులు చేశాడని ఓ మహిళ పోలీసులకు ఫిర్యాదు చేసింది. ఈ క్రమంలో ప్రాథమిక విచారణ జరిపిన పోలీసులు నటుడు నివీన్ పౌలితో సహా ఆరుగరిపై నాన్-బెయిలబుల్ కేసును నమోదు చేశారు.
మలయాళ చిత్ర పరిశ్రమలో ప్రస్తుతం జస్టిస్ హేమ కమిటీ ప్రకంపనలు సృష్టిస్తోంది. అక్కడి సినీ ఇండస్ట్రీలో మహిళలపై లైంగిక వేధింపులు ఎక్కువగా జరుగుతాయని ఈ కమిటీలో పేర్కొనడంతో, ఒక్కొక్కరుగా పలువురు మహిళలు బయటకు వస్తున్నారు.
