మాస్ మహారాజా రవితేజ హీరోగా నటించిన లేటెస్ట్ చిత్రం “రావణాసుర” కోసం అందరికీ తెలిసిందే. యంగ్ అండ్ టాలెంటెడ్ దర్శకుడు సుధీర్ వర్మ తెరకెక్కించిన ఈ చిత్రం ఓ క్రైమ్ థ్రిల్లర్ గా వచ్చి రవితేజ నుంచి కొత్త ట్రీట్ ఇచ్చింది. అయితే ఈ సినిమా అనుకున్న రేంజ్ లో హిట్ అవ్వలేదు. దీనితో ప్లాప్ గానే మిగిలిపోయిన ఈ సినిమా ఇప్పుడు సడెన్ స్ట్రీమింగ్ కి వచ్చేసింది.
ప్రముఖ ఓటీటీ సంస్థ అమెజాన్ ప్రైమ్ వీడియో ఈ సినిమా స్ట్రీమింగ్ రైట్స్ కొనుగోలు చేసిన విషయం తెలిసిందే. అయితే ఇందులో ఈ సినిమా ఈరోజు నుంచే స్ట్రీమింగ్ అందుబాటులోకి వచ్చేసింది. మరి ఒరిజినల్ తెలుగు సహా తమిళ్ భాషలో కూడా రావణాసుర స్ట్రీమింగ్ కి రావడం విశేషం. ఇక ఈ సినిమాలో మేఘా ఆకాష్, అను ఎమ్మానుయేల్, దక్ష నగర్కార్, ఫరియా అబ్దుల్లా లాంటి యంగ్ హీరోయిన్స్ నటించారు. అలాగే హర్షవర్ధన్ రామేశ్వర్, భీమ్స్ లు సంగీతం అందించగా అభిషేక్ పిక్చర్స్ వారు నిర్మాణం వహించారు.