టాలీవుడ్ డైరెక్టర్ సుధీర్ వర్మ దర్శకత్వంలో, మాస్ మహారాజ ప్రధాన పాత్రలో నటించిన యాక్షన్ థ్రిల్లర్ రావణాసుర. ఈ చిత్రం థియేటర్ల లో రిలీజ్ అయ్యి ప్రేక్షకులను ఆకట్టుకుంది. బాక్సాఫీస్ వద్ద ఆశించిన స్థాయిలో వసూళ్లను రాబట్టడం లో విఫలం అయ్యింది. ఈ యాక్షన్ థ్రిల్లర్ ఇప్పుడు బుల్లితెర పైకి రానుంది. వరల్డ్ టెలివిజన్ ప్రీమియర్ గా జులై 23, 2023 న సాయంత్రం 6:00 గంటలకు జీ తెలుగు లో ప్రసారం కానుంది.
జయరామ్, సుశాంత్, అను ఇమ్మాన్యుయేల్, ఫరియా అబ్దుల్లా, దక్షా నగార్కర్, మేఘా ఆకాష్, పూజిత పొన్నాడ లు కీలక పాత్రల్లో నటించిన ఈ చిత్రానికి హర్ష వర్ధన్ రామేశ్వర్, భీమ్స్ సిసిరోలియో లు సంగీతం అందించారు. బుల్లితెర పై ఈ సినిమా ఎలాంటి రెస్పాన్స్ ను సొంతం చేసుకుంటుందో చూడాలి.
