మాస్ మహారాజ రవితేజ హీరోగా అభిషేక్ పిక్చర్స్, ఆర్టి టీం వర్క్స్ సంస్థల పై సుధీర్ వర్మ దర్శకత్వంలో తెరకెక్కిన లేటెస్ట్ మూవీ రావణాసుర. అను ఇమ్మానుయేల్, మేఘా ఆకాష్, ఫరియా అబ్దుల్లా, పూజిత పొన్నాడ, దక్ష నాగర్కర్ హీరోయిన్స్ గా నటించిన ఈ మూవీ భారీ యాక్షన్ థ్రిల్లింగ్ ఎంటర్టైనర్ గా రూపొందింది. ఏప్రిల్ 7న రిలీజ్ కానున్న ఈ మూవీ యొక్క థియేట్రికల్ ట్రైలర్ ని ఇటీవల యూట్యూబ్ లో విడుదల చేసారు మేకర్స్.
యాక్షన్, మాస్, థ్రిల్లింగ్ హంగులతో రూపొందిన ఈ ట్రైలర్ లో రవితేజ స్టైల్, యాక్టింగ్, అలరించే విజువల్స్, బ్యాక్ గ్రౌండ్ స్కోర్ వంటివి అదిరిపోయాయి. అలానే ట్రైలర్ అందరినీ ఆకట్టుకోవడంతో పాటు మూవీపై మరిన్ని అంచనాలు ఏర్పరిచాయి. ఇక ప్రస్తుతం ఈ ట్రైలర్ ఏకంగా 18 మిలియన్ వ్యూస్ ని అలానే 155కె లైక్స్ ని సొంతం చేసుకుని ట్రెండింగ్ లో దూసుకెళ్తుండడం విశేషం. కాగా రావణాసుర మూవీ తప్పకుండా రిలీజ్ తరువాత అందరి అంచనాలు అందుకుంటుందని యూనిట్ ఆశాభావం వ్యక్తం చేస్తోంది.