మాస్ మహారాజ రవితేజ హీరోగా దర్శకుడు హరీష్ శంకర్ కాంబినేషన్లో చేసిన లేటెస్ట్ అవైటెడ్ సినిమానే “మిస్టర్ బచ్చన్”. బాలీవుడ్ హిట్ సినిమా రైడ్ కి రీమేక్ గా ప్లాన్ చేసిన ఈ సినిమా ప్రస్తుతం సాలిడ్ బజ్ ని సొంతం చేసుకుంది. అయితే ఈ సినిమా నుంచి మేకర్స్ ఈరోజు ట్రైలర్ లాంచ్ ని ఫిక్స్ చేసిన విషయం తెలిసిందే. హైదరాబాద్ ట్రిపుల్ ఏ సినిమాస్ లో సాయంత్రం 5 గంటలకి మిస్టర్ బచ్చన్ ట్రైలర్ లాంచ్ ని షెడ్యూల్ చేశారు.
కానీ ఇప్పుడు అనూహ్యంగా ఈ లాంఛ్ ఈవెంట్ ఇప్పుడు నిలిచిపోయినట్టుగా ఈవెంట్ నిర్వాహకులు వెల్లడించారు. కొన్ని ప్రత్యేక పరిస్థితుల్లో ఈవెంట్ ని నిలిపివేసామని దయచేసి అభిమానులు అర్ధం చేసుకోగలరు అంటూ క్షమాపణలు చెప్పారు. మరి ఈవెంట్ అయితే ఆగింది కానీ ఆన్లైన్ లో మాత్రం ఆన్ టైం సాయంత్రం 7 గంటల 11 నిమిషాలకి రావడం పక్కా అని తెలుస్తోంది. ఇక ఈ చిత్రంలో రవితేజ సరసన భాగ్యశ్రీ బోర్స్ నటించగా పీపుల్ మీడియా ఫ్యాక్టరీ వారు నిర్మాణం వహించిన సంగతి తెలిసిందే. అలాగే ఈ చిత్రం ఈ ఆగస్టు 15న రిలీజ్ కి రాబోతుంది.
