మెగా పవర్ స్టార్ రామ్ చరణ్ ప్రధాన పాత్రలో, ఉప్పెన ఫేమ్ డైరెక్టర్ బుచ్చిబాబు తో తెరకెక్కుతున్న పాన్ ఇండియా మూవీ RC16. ఈ చిత్రానికి ఇంకా టైటిల్ ను ఖరారు చేయలేదు. ఈ చిత్రానికి సంబంధించిన ప్రీ ప్రొడక్షన్ కార్యక్రమాలు శరవేగంగా జరుగుతున్నాయి. సినిమాను గ్లోబల్ లెవెల్లో ప్లాన్ చేస్తున్నట్లు చిత్ర యూనిట్ చేస్తున్న వర్క్ ను చూస్తే తెలుస్తుంది. డైరెక్టర్ బుచ్చిబాబు, రామ్ చరణ్ ను వేరే లెవెల్లో చూపించబోతున్నారు అని ఇండస్ట్రీ లో గట్టి టాక్ ఉంది. సినిమా కోసం ఏ మాత్రం కాంప్రమైజ్ కాకుండా తెరకెక్కించే ఆలోచనలో ఉన్నారు.
ఈ చిత్రానికి ఆస్కార్ అవార్డు విన్నర్ రెహమాన్ సంగీతం అందిస్తున్న సంగతి అందరికీ తెలిసిందే. రత్నవేలు ఈ చిత్రానికి సినిమాటోగ్రాఫర్ గా వ్యవహరిస్తున్నారు. వీరిద్దరితో బుచ్చిబాబు దుబాయ్ లోని బెస్ట్ ఇన్ క్లాస్ ఫిర్దౌస్ స్టూడియో లో వర్క్ చేస్తున్నారు. అందుకు సంబంధించిన ఒక ఫోటోను కూడా బుచ్చిబాబు షేర్ చేశారు. ఇద్దరూ తన ఫేవరెట్ అంటూ చెప్పుకొచ్చారు. అయితే సినిమా విజువల్ గా కూడా అద్భుతంగా ఉండనున్నట్లు తెలుస్తోంది.
ప్రముఖ నిర్మాణ సంస్థ అయిన మైత్రి మూవీ మేకర్స్ తో కలిసి వృద్ధి సినిమాస్ పతాకంపై నిర్మిస్తున్న ఈ చిత్రంలో బాలీవుడ్ బ్యూటీ జాన్వీ కపూర్ హీరోయిన్ గా నటిస్తుంది. కన్నడ స్టార్ శివ రాజ్ కుమార్ ఈ చిత్రంలో కీలక పాత్రలో కనిపించనున్నారు. ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. త్వరలో సినిమాకి సంబందించిన మరిన్ని వివరాలు వెల్లడి కానున్నాయి.
Two of my favourite people ????????????????????????@arrahman Sir @RathnaveluDop Sir pic.twitter.com/qInQW9Hs60
— BuchiBabuSana (@BuchiBabuSana) July 14, 2024