బుచ్చిబాబు ఉప్పెన చిత్రంతో టాలీవుడ్ లో టాక్ ఆఫ్ ది ఇండస్ట్రీ గా మారిపోయారు. అందుకు కారణం RC16. రామ్ చరణ్ తో సినిమా చేసేందుకు ఎంతో మంది దర్శకులు క్యూలో ఉన్నప్పటికీ, గేమ్ చేంజర్ తర్వాత రామ్ చరణ్ ను డైరెక్ట్ చేసే అవకాశం బుచ్చిబాబు కు దక్కింది. ఇదొక రా అండ్ రస్టిక్ డ్రామా అని, స్పోర్ట్స్ కలగలిపి ఉంటుంది అని, రామ్ చరణ్ ను మునుపెన్నడూ చూడని మేకోవర్ లో చూపించబోతున్నాడు అని, పెర్ఫార్మెన్స్ ఓరియెంటెడ్ గా సినిమా ఉండబోతుంది అని చర్చలు జరుగుతున్నాయి.
అయితే ఈ చిత్రం షూటింగ్ పై ఇంకా ఎలాంటి క్లారిటీ రాలేదు. సినిమాను సెప్టెంబర్ లో స్టార్ట్ చేయనున్నట్లు గతంలో టాక్ వినిపించింది. అయితే ఇప్పుడు కాస్త ఆలస్యంగా స్టార్ట్ అయ్యే అవకాశాలు కనిపిస్తున్నాయి. అక్టోబర్ నెలలో అన్ని సిద్ధం చేసుకొని, ఎలాంటి గ్యాప్ లేకుండా చిత్రీకరణ ఫినిష్ చేసే ప్లాన్ లో ఉన్నట్లు తెలుస్తోంది. బుచ్చిబాబు పక్క స్క్రిప్ట్ మరియు స్క్రీన్ ప్లే తో పాటుగా, మ్యూజిక్ కి సంబందించిన విషయాలు కూడా ముందే ప్లాన్ చేశారు. ఆస్కార్ అవార్డు విన్నర్ రెహమాన్ సంగీతం అందిస్తున్న ఈ చిత్రంలో బాలీవుడ్ హీరోయిన్ జాన్వీ కపూర్ ఫిమేల్ లీడ్ రోల్ లో నటిస్తుంది. ఈ క్రేజీ ప్రాజెక్ట్ పై అందరిలో ఆసక్తి నెలకొంది.