జోజు జార్జ్ మరియు అంజలి ప్రధాన పాత్రల్లో నటించిన ఇటీవలి మలయాళ హిట్ ఇరట్ట, నెట్‌ఫ్లిక్స్‌లో డిజిటల్ రంగ ప్రవేశం చేసింది. ఓటిటి స్పేస్‌లో తొలిసారిగా ఈ చిత్రం క్లైమాక్స్‌ విషయం లో హాట్ టాపిక్ గా మారింది. లేటెస్ట్ న్యూస్ ఏంటంటే, ఈ సినిమా ఇప్పుడు తెలుగులో కూడా విడుదల కానుంది. మేకర్స్ ఈ రోజు ప్లాట్‌ఫారమ్‌పై డబ్బింగ్ వెర్షన్‌ను విడుదల చేశారు.
తెలుగుతో పాటు, ఈ చిత్రం కన్నడ మరియు తమిళ వెర్షన్లలో కూడా ప్రసారం చేయడానికి అందుబాటులో ఉంది. ఈ కొత్త చర్య సినిమా మరింత మందికి చేరువయ్యేలా చేస్తుంది. రోహిత్ ఎంజి కృష్ణన్ దర్శకత్వం వహించిన ఈ చిత్రంలో శ్రీంద, ఆర్య సలీం, శ్రీకాంత్ మురళి, సాబుమోన్ తదితరులు ముఖ్య పాత్రలు పోషిస్తున్నారు. జేక్స్ బిజోయ్ ఈ చిత్రానికి సంగీత దర్శకుడు గా వ్యవహరిస్తున్నారు.