సూపర్ స్టార్ రజినీకాంత్ ఇటీవల వేట్టైయాన్ చిత్రం షూటింగ్ ను ముగించేసారు. ఈ చిత్రాన్ని అక్టోబర్ నెల విడుదల చేయాలని భావించారు మేకర్స్. ఈ చిత్రం ప్రస్తుతం పోస్ట్ ప్రొడక్షన్ కార్యక్రమాలు శరవేగంగా జరుపుకుంటుంది. ఈ చిత్రంలో కీలక పాత్రలో నటించిన రితికా సింగ్ తన పాత్రకి డబ్బింగ్ చెబుతుంది. అందుకు సంబంధించిన కొన్ని ఫోటోలను మేకర్స్ సోషల్ మీడియాలో షేర్ చేశారు.
రితికా సింగ్ డబ్బింగ్ చెబుతున్న ఫోటోలు సోషల్ మీడియాలో వైరల్ అవుతున్నాయి. అమితాబ్ బచ్చన్, ఫహాద్ ఫాజిల్, రానా దగ్గుబాటి, మంజు వారియర్ తదితరులు కీలక పాత్రల్లో నటించిన ఈ చిత్రానికి రాక్ స్టార్ అనిరుద్ రవి చందర్ సంగీతం అందిస్తున్నారు. లైకా ప్రొడక్షన్స్ పతాకంపై నిర్మించిన ఈ చిత్రానికి టీ.జే. జ్ఞానవేల్ దర్శకత్వం వహిస్తున్నారు. ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
