‘రాబిన్‌హుడ్’ ట్రైలర్ వాయిదా.. అయినా వదలని ప్రమోషన్స్!

హీరో నితిన్ నటిస్తున్న లేటెస్ట్ చిత్రం ‘రాబిన్‌హుడ్’ ఇప్పటికే ప్రక్షకుల్లో సాలిడ్ అంచనాలను క్రియేట్ చేసింది. ఈ సినిమాను దర్శకుడు వెంకీ కుడుముల డైరెక్ట్ చేస్తుండటంతో ఈ మూవీ బాక్సాఫీస్ దగ్గర ఎలాంటి విజయాన్ని అందుకుంటుందా అని అందరూ ఆసక్తిగా చూస్తున్నారు. ఇక ఈ సినిమా ప్రమెషన్స్‌లో భాగంగా ఈ చిత్ర ట్రైలర్‌ను మార్చి 21న రిలీజ్ చేస్తామని మేకర్స్ ప్రకటించారు.

కానీ, కొన్ని కారణాల వల్ల ఇప్పుడు ఈ ట్రైలర్ రిలీజ్ వాయిదా పడింది. ఇదే విషయాన్ని మరో ప్రమోషనల్ వీడియో ద్వారా చిత్ర యూనిట్ తెలిపింది. ఈ చిత్ర ట్రైలర్‌ను మార్చి 23న జరిగే ప్రీ-రిలీజ్ ఈవెంట్‌లో రిలీజ్ చేస్తామని చిత్ర యూనిట్ తెలిపింది. ఇక ఈ ఈవెంట్‌కు డేవిడ్ వార్నర్ కూడా వస్తుండటంతో అందరి చూపులు ఈ ప్రీ-రిలీజ్ ఈవెంట్‌పైనే ఉన్నాయి.

ఈ సినిమాలో నితిన్ సరసన అందాల భామ శ్రీలీల హీరోయిన్‌గా నటిస్తోంది. రాజేంద్ర ప్రసాద్, వెన్నెల కిషోర్, దేవ్‌దత్తా నాగె తదితరులు ఇతర ముఖ్య పాత్రల్లో నటిస్తున్న ఈ సినిమాకు జి.వి.ప్రకాష్ కుమార్ సంగీతం అందిస్తున్నాడు. మైత్రీ మూవీ మేకర్స్ ఈ చిత్రాన్ని ప్రొడ్యూస్ చేస్తుండగా మార్చి 28న ఈ చిత్రాన్ని గ్రాండ్ రిలీజ్‌కు రెడీ చేస్తున్నారు.