కన్నడ సినీ పరిశ్రమలో ఎంతో క్రేజ్ ఉన్న శివ రాజ్ కుమార్ ప్రస్తుతం శివన్న 131 చిత్రంలో నటిస్తూ, బిజీగా ఉన్నాడు. దర్శకుడు కార్తీక్ అద్వైత్ దర్శకత్వంలో తెరకెక్కుతున్న ఈ పాన్ ఇండియా చిత్రానికి సామ్ సీ.ఎస్ సంగీతాన్ని అందిస్తున్నాడు. ఈ చిత్రం సెట్స్ లోకి కన్నడ రాక్ స్టార్ యష్ అడుగు పెట్టాడు. అందుకు సంబంధించిన ఫోటోలు, వీడియోలు సోషల్ మీడియాలో వైరల్ గా మారాయి. మేకర్స్ అధికారికంగా ఒక వీడియోను షేర్ చేశారు. రాకీ మీట్స్ దేవ అంటూ క్యాప్షన్ ఇచ్చారు.
శివన్న 131 చిత్రాన్ని భువనేశ్వరి పిక్చర్స్ మరియు పద్మజ ఫిల్మ్స్ బ్యానర్ల పై నిర్మిస్తుండగా, ఏ.జే శెట్టి సినిమాటోగ్రఫీ అందిస్తున్నారు. ఇక యష్ తదుపరి గీతూ మోహన్ దాస్ దర్శకత్వంలో తెరకెక్కుతున్న టాక్సిక్ చిత్రంలో నటిస్తున్నాడు. భారీ బడ్జెట్ తో తెరకెక్కుతున్న ఈ పాన్ ఇండియా మూవీ పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
