మాస్ రాజా రవితేజ, అందాల భామ భాగ్యశ్రీ బొర్సె హీరోహీరోయిన్లుగా నటిస్తున్న తాజా చిత్రం ‘మిస్టర్ బచ్చన్’ ఇప్పటికే అన్ని పనులు ముగించుకుని రిలీజ్‌కు రెడీ అయ్యింది. ఈ సినిమాను దర్శకుడు హరీష్ శంకర్ డైరెక్ట్ చేస్తుండటంతో ఈ చిత్రం ఎలాంటి సెన్సేషనల్ హిట్‌గా నిలుస్తుందా అని అందరూ ఆసక్తిగా ఎదురుచూస్తున్నారు. ఇక ఈ చిత్ర ప్రమోషన్స్‌లో భాగంగా మూడో సింగిల్ సాంగ్ ప్రోమోను మేకర్స్ తాజాగా రిలీజ్ చేశారు.
‘జిక్కీ’ అంటూ సాగే సాంగ్ ప్రోమో కట్ చాలా బ్యూటీఫుల్‌గా ఉంది. ఈ ప్రోమోలో భాగ్యశ్రీ బొర్సె అందానికి అభిమానులు ఫిదా కావాల్సిందే. ఆమె అందమైన రూపాన్ని చూసేందుకు రవితేజ కూడా ఆమె జాడ కోసం వెతుకుతున్నట్లు మనకు ఈ ప్రోమోలో కనిపిస్తుంది. ఈ సాంగ్‌కు వనమాలి లిరిక్స్ అందించగా.. కార్తీక్, రమ్య బెహరా పాడారు.
ఈ పాటకు సంబంధించిన పూర్తి లిరికల్ వీడియోను రేపు సాయంత్రం 4.59 గంటలకు రిలీజ్ చేయనున్నట్లు మేకర్స్ వెల్లడించారు. ఇక ఈ సినిమాకు మిక్కీ జే మేయర్ సంగీతం హైలైట్‌గా ఉండబోతుందని ఇప్పటికే రిలీజ్ అయిన పాటలు ప్రూవ్ చేశాయి. ఈ సినిమాను ఆగస్టు 15న గ్రాండ్ రిలీజ్ చేయనున్నారు.
