‘హుషారు, సినిమా చూపిస్త మావ, మేం వయసుకు వచ్చాం, ప్రేమ ఇష్క్ కాదల్, పాగల్’ వంటి యూత్ఫుల్ చిత్రాలను నిర్మించిన ప్రముఖ నిర్మాత, లక్కీ మీడియా అధినేత బెక్కెం వేణుగోపాల్ సృజన్‌ కుమార్ బొజ్జంతో కలిసి నిర్మించిన చిత్రం ‘రోటి కపడా రొమాన్స్’. హర్ష నర్రా, సందీప్ సరోజ్, తరుణ్, సుప్రజ్ రంగా, సోనూ ఠాకూర్, నువ్వేక్ష, మేఘలేఖ, ఖుష్బూ చౌదరి హీరోహీరోయిన్లుగా నటిస్తున్న ఈ చిత్రాన్ని విక్రమ్ రెడ్డి డైరెక్ట్ చేశారు.
ఇప్పటికే షూటింగ్ పనులు ముగించుకున్న ఈ సినిమా ప్రస్తుతం పోస్ట్ ప్రొడక్షన్ పనుల్లో బిజీగా ఉంది. ఇక ఈ సినిమాను అక్టోబర్‌ 4న ప్రేక్షకుల ముందుకు తీసుకురానున్నట్లు మేకర్స్ వెల్లడించారు. ఈ సందర్భంగా నిర్మాతలు మాట్లాడుతూ.. నేటి యువతరంకు నచ్చే అంశాలతో పాటు కుటుంబ భావోద్వేగాల మేళవింపుతో యూత్ఫుల్ రొమాంటిక్‌ ఫ్యామిలీ ఎంటర్‌టైనర్‌గా ఈ చిత్రం తెరకెక్కిందని తెలిపారు.
ఈ చిత్రంలోని ప్రతి పాత్ర అందరికీ కనెక్ట్‌ అయ్యే విధంగా ఉంటుందని.. రొమాన్స్, ఎంటర్‌టైన్‌మెంట్‌, ఎమోషన్స్‌ ఈ చిత్రానికి ప్రధాన బలాలుగా నిలుస్తాయని వారు అన్నారు. తప్పకుండా ఈ చిత్రం అందరికీ నచ్చుతుందనే నమ్మకంతో ఉన్నట్లుగా నిర్మాతలు తెలిపారు. ఇక ఇప్పటికే విడుదలైన పాటలకు, ట్రైలర్‌కు మంచి రెస్పాన్స్ లభించింది. ఈ సినిమాకు హర్షవర్థన్‌ రామేశ్వర్‌ సంగీతం ప్లస్‌ అవుతుందని దర్శకుడు తెలిపారు.
