‘బలగం’ సినిమాతో బ్లాక్‌బస్టర్ డైరెక్టర్‌గా మారిన వేణు యెల్దండి, ఇప్పుడు తన నెక్స్ట్ ప్రాజెక్ట్‌ని పట్టాలెక్కించేందుకు సిద్ధమవుతున్నాడు. మరోసారి పక్కా మాస్ అప్పీల్ ఉన్న కంటెంట్‌తో ప్రేక్షకుల ముందుకు వచ్చేందుకు ఈ డైరెక్టర్ రెడీ అవుతున్నాడు. దీని కోసం ‘ఎల్లమ్మ’ అనే పవర్‌ఫుల్ టైటిల్‌తో ఓ సినిమాను రూపొందించనున్నాడు.
ప్రముఖ నిర్మాత దిల్ రాజు ఈ చిత్రాన్ని ప్రొడ్యూస్ చేయనుండటంతో టాలీవుడ్‌లో అప్పుడే ఈ సినిమాపై బజ్ క్రియేట్ అయ్యింది. ఇక ఈ సినిమాలో హీరోగా నితిన్‌ను ఓకే చేశారు మేకర్స్. అయితే, ఈ సినిమాలో హీరోయిన్‌గా అందాల భామ సాయి పల్లవి ఓకే అయినట్లుగా తెలుస్తోంది. ఈ సినిమాలో హీరోయిన్ పాత్ర చాలా పవర్‌ఫుల్‌గా ఉంటుందని.. అది నచ్చి సాయి పల్లవి ఈ సినిమాలో నటించేందుకు అంగీకరించిందని సినీ సర్కిల్స్‌లో టాక్ వినిపిస్తోంది.
ఒకవేళ నిజంగానే సాయి పల్లవి ఈ సినిమాకు గ్రీన్ సిగ్నల్ ఇస్తే, నితిన్‌తో ఆమె తొలిసారి జోడీ కట్టినట్లు అవుతుంది. ఇక ఈ సినిమాను 2025 ప్రథమార్థంలో ప్రారంభించాలని చిత్ర యూనిట్ భావిస్తోంది.
