అందాల భామ సాయి పల్లవి నటించిన లేటెస్ట్ మూవీ ‘అమరన్’ ప్రస్తుతం థియేటర్లలో సందడి చేస్తోంది. ఈ సినిమాలో హీరోగా శివకార్తికేయన్ నటించాడు. ఇక ఈ సినిమా తరువాత సాయి పల్లవి ఏ సినిమా చేస్తుందా అని అభిమానులు ఆసక్తిగా చూస్తున్నారు. ఈ క్రమంలోనే సాయి పల్లవి తన నెక్స్ట్ మూవీగా ఓ తెలుగు సినిమాను ఓకే చేసినట్లు తెలుస్తోంది.
టాలీవుడ్‌లో తెరకెక్కుతోన్న తాజా చిత్రం ‘ఆకాశంలో ఒక తార’లో హీరోయిన్‌గా నటించేందుకు సాయి పల్లవి గ్రీన్ సిగ్నల్ ఇచ్చినట్లు తెలుస్తోంది. దర్శకుడు పవన్ సాదినేని డైరెక్ట్ చేస్తున్న ఈ సినిమాలో దుల్కర్ సల్మాన్ హీరోగా నటిస్తున్నాడు. తాజాగా ‘లక్కీ భాస్కర్’తో ప్రేక్షకుల ముందుకు వచ్చిన దుల్కర్, ఇప్పుడు మరో సినిమాను కూడా పట్టాలెక్కిస్తున్నాడు. ఈ సినిమా షూటింగ్ ఇప్పటికే మొదలయ్యింది.
త్వరలోనే సాయి పల్లవి ఈ చిత్ర షూటింగ్‌లో జాయిన్ కాబోతుందని తెలుస్తోంది. ఇలా తన నెక్స్ట్ చిత్రాన్ని కూడా సాయి పల్లవి ఓకే చేయడంతో ఆమె స్పీడు చూసి అభిమానులు సంతోషం వ్యక్తం చేస్తున్నారు.