కోలీవుడ్‌ ప్రముఖ దర్శకుడు లోకేష్ కనగరాజ్, విజయ్ ప్రధాన పాత్రలో నటించిన ‘లియో’ సినిమాతో ప్రేక్షకుల ముందుకు వచ్చాడు. ఈ సినిమాకు టాక్ ఎలా ఉన్నా, కలెక్షన్స్ మాత్రం అద్భుతంగా ఉన్నాయి. ఇక లియో తెరపైకి రాకముందే, లోకేశ్ కనగరాజ్ లెజెండరీ సూపర్ స్టార్ రజనీకాంత్‌తో ‘తలైవర్ 171’ అనే వర్కింగ్ టైటిల్ తో ఓ ప్రాజెక్ట్‌ను ప్రకటించిన సంగతి తెలిసిందే.

కాగా తాజాగా ఈ ‘తలైవర్ 171’లో మాలీవుడ్ స్టార్ పృథ్వీరాజ్ సుకుమారన్ విలన్ పాత్రలో నటించే అవకాశం ఉందని టాక్ నడుస్తోంది. భారీ అంచనాల మధ్య ఈ చిత్రం 2024 మార్చి లేదా ఏప్రిల్‌లో స్టార్ట్ కానుంది. అన్నట్టు పృథ్వీరాజ్ సుకుమారన్ ఇప్పటికే ప్రభాస్ యాక్షన్ చిత్రం సలార్‌ లో కూడా విలన్ పాత్రను పోషించాడు, సలార్ డిసెంబర్ 22, 2023న ప్రపంచవ్యాప్తంగా విడుదల కానుంది.