బాలీవుడ్ కండల వీరుడు సల్మాన్ ఖాన్ హీరోగా రష్మిక మందన్నా హీరోయిన్ గా ప్రముఖ కోలీవుడ్ దర్శకుడు ఏ ఆర్ మురుగదాస్ కాంబినేషన్ లో చేస్తున్న భారీ చిత్రం “సికందర్” కోసం అందరికీ తెలిసిందే. మరి ఈ చిత్రంపై భారీ హైప్ నెలకొనగా ఈ చిత్రం కోసం అభిమానులు చాలా ఆసక్తిగా కూడా ఎదురు చూస్తున్నారు.
అయితే ఈ సమయంలో మేకర్స్ సాలిడ్ టీజర్ కట్ ని రిలీజ్ చేస్తున్నట్టుగా లేటెస్ట్ గా అనౌన్సమెంట్ ఇచ్చారు. మరి ఈరోజే ఆ టీజర్ కూడా రావాల్సి ఉంది కానీ మేకర్స్ దానిని ఇపుడు వాయిదా వేస్తున్నట్టుగా కన్ఫర్మ్ చేశారు. దీనితో ఈ టీజర్ ఈరోజు నుంచి వాయిదా వేసి రేపటికి మళ్ళీ అదే సమయానికి లాక్ చేశారు.
దీనితో ఈ టీజర్ రేపు డిసెంబర్ 28న ఉదయం 11 గంటల 7 నిమిషాలకే రిలీజ్ చేస్తున్నట్టుగా తెలిపారు. సో మరొక్క రోజు వరకు భాయ్ ఎంట్రీ కోసం ఆగాల్సిందే అని చెప్పాలి. ఇక ఈ చిత్రానికి సంతోష్ నారాయణన్ సంగీతం అందిస్తుండగా సల్మాన్ స్నేహితుడు సాజిద్ నదియాద్వాల నిర్మాణం వహిస్తున్నారు. అలాగే వచ్చే ఏడాది ఈద్ కానుకగా మేకర్స్ ఈ చిత్రాన్ని రిలీజ్ కి తీసుకొస్తున్నారు.
