పాన్ ఇండియా స్టార్ హీరోయిన్ సమంత సినిమాల్లోనే కాకుండా పలు వెబ్ సిరీస్‌లలో కూడా నటిస్తున్న సంగతి తెలిసిందే. ఆమె నటిస్తున్న ఈ వెబ్ సిరీస్‌లలో మోస్ట్ అవైటెడ్ వెబ్ సిరీస్ ఏదైనా ఉందంటే అది ఖచ్చితంగా హాలీవుడ్ స్పై థ్రిల్లర్‌కి రీమేక్‌గా వస్తున్న ‘సిటాడెల్’ అని చెప్పాలి. ఇంగ్లీష్‌లో ‘సిటాడెల్’గా వస్తే ఇండియన్ వెర్షన్‌లో ఇది ‘సిటాడెల్ – హనీ బన్నీ’ సిరీస్‌గా రానుంది. ఇక ఇందులో సమంతతో పాటు బాలీవుడ్ హీరో వరుణ్ ధావన్ ప్రధాన పాత్రలో నటిస్తున్నాడు. ‘ఫ్యామిలీ మ్యాన్’ వంటి బ్లాక్‌బస్టర్ సిరీస్‌ను తెరకెక్కించిన దర్శకులు రాజ్ అండ్ డీకే లు దీనిని డైరెక్ట్ చేస్తున్నారు.
ఈ సిరిస్‌ను ఎప్పుడో మొదలు పెట్టినా రిలీజ్ ఎప్పుడనేది కన్ఫర్మ్ కాలేదు. కానీ, ఎట్టకేలకు నేడు దీనిపై బిగ్ అనౌన్సమెంట్‌ని మేకర్స్ ఇచ్చేసారు. సమంత, వరుణ్‌లపై ఒక ఇంట్రెస్టింగ్ టీజర్‌ని సాలిడ్ యాక్షన్ మరియు థ్రిల్లింగ్ ఎలిమెంట్స్‌తో నింపేసి ఈ వెబ్ సిరీస్‌పై అదిరిపోయే అంచనాలు క్రియేట్ చేశారు.
ఈ సిరీస్ రిలీజ్ డేట్‌ని కూడా మేకర్స్ రివీల్ చేసారు. నవంబర్ 7 నుంచి ఈ వెబ్ సిరీస్ స్ట్రీమింగ్‌కి రానుందట. ప్రస్తుతానికి ఒక్క హిందీ వెర్షన్‌లోనే మేకర్స్ దీనిని అనౌన్స్ చేశారు. కానీ, ప్రైమ్ వీడియోలో గత సిరీస్‌ల తరహాలోనే ఇది కూడా పాన్ ఇండియా భాషల్లో వచ్చే ఛాన్స్ ఉంది.
వీడియో కోసం ఇక్కడ క్లిక్ చెయ్యండి