సమంత ప్రధాన పాత్రలో హరి, హరీష్ ద్వయం దర్శకత్వంలో శ్రీదేవి మూవీస్ బ్యానర్ పై నిర్మితం అయిన యశోద మూవీ ఇటీవల ప్రేక్షకాభిమానుల ముందుకి వచ్చి బాక్సాఫీస్ దగ్గర మంచి విజయం అందుకుంది. పాన్ ఇండియా రేంజ్ లో రిలీజ్ అయిన యశోద మూవీలో సమంత అద్భుత నటనతో పాటు ఆకట్టుకునే, కథనాలు, యాక్షన్, థ్రిల్లింగ్ అంశాలు ఆడియన్స్ ని ఎంతో అలరించాయి. అనంతరం ఈ సినిమా ఇటీవల ప్రముఖ తెలుగు టెలివిజన్ ఛానెల్ ఈటీవీ లో వరల్డ్ టెలివిజన్ ప్రీమియర్ గా ప్రసారం అయింది.

అయితే విషయం ఏమిటంటే, టెలివిజన్ ప్రీమియర్ గా ప్రసారమైన యశోద మూవీకి 4. 88 టిఆర్పి రేటింగ్ లభించింది. ఒకరకంగా ఇటీవల టెలివిజన్ లో ప్రసారమైన సినిమాల రేటింగ్స్ తో పోలిస్తే ఇది మంచి రేటింగ్ అని అంటున్నారు ట్రేడ్ అనలిస్టులు. మరోవైపు ఈ మూవీ ప్రస్తుతం ప్రముఖ ఓటిటి సంస్థ అమెజాన్ ప్రైమ్ లో కూడా ప్రసారం అవుతోంది. ఉన్ని ముకుందన్, వరలక్ష్మి శరత్ కుమార్, రావురమేష్, సంపత్ రాజ్ తదితరులు కీలక పాత్రలు పోషించిన ఈ మూవీకి మెలోడీ బ్రహ్మ మణిశర్మ సంగీతం అందించారు.