బాలీవుడ్ స్టార్ నటుడు సంజయ్ దత్ తొలిసారిగా డబుల్ ఇస్మార్ట్ చిత్రంతో టాలీవుడ్ లోకి అడుగు పెడుతున్నారు. ఈ చిత్రంలో ఫుల్ లెంగ్త్ విలన్ పాత్రలో నటిస్తున్నారు సంజయ్ దత్. రామ్ పోతినేని హీరోగా, డాషింగ్ డైరెక్టర్ పూరి జగన్నాథ్ దర్శకత్వంలో తెరకెక్కుతున్న ఈ మాస్ యాక్షన్ ఎంటర్టైనర్ పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. గతంలో సూపర్ హిట్ సాధించిన ఇస్మార్ట్ శంకర్ చిత్రానికి ఇది సీక్వెల్ గా తెరకెక్కుతోంది. అయితే ఈ చిత్రానికి సంబంధించిన తన పార్ట్ డబ్బింగ్ ను పూర్తి చేశారు సంజయ్ దత్. హిందీలో తన పాత్రకి తానే స్వయంగా వాయిస్ ఇచ్చినట్లు తెలుస్తుంది.
ఇప్పటికే ఈ చిత్రం నుండి రిలీజైన ప్రచార చిత్రాలు ప్రేక్షకులని అలరించాయి. రిలీజైన రెండు పాటలు బాగా ఆకట్టుకున్నాయి. కావ్య థాపర్ హీరోయిన్ గా నటిస్తున్న ఈ చిత్రానికి మెలోడి బ్రహ్మ మణిశర్మ సంగీతం అందిస్తున్నారు. ఆగస్ట్ 15 వ తేదీన వరల్డ్ వైడ్ గా థియేటర్లలో రిలీజ్ కాబోతున్న ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.
