బాలీవుడ్ స్టార్ డైరెక్ట‌ర్ సంజ‌య్ లీలా భ‌న్సాలీ తెర‌కెక్కించిన రీసెంట్ వెబ్ సిరీస్ ‘హీరామండి’ ఇటీవ‌ల ప్ర‌ముఖ ఓటిటి ప్లాట్ ఫామ్ నెట్ఫ్లిక్స్ లో స్ట్రీమింగ్ కి వ‌చ్చిన సంగతి తెలిసిందే. ఈ వెబ్ సిరీస్ ప్రేక్ష‌కుల‌ను అమితంగా ఆక‌ట్టుకోవ‌డంతో మంచి విజ‌యాన్ని అందుకుంది. ముఖ్యంగా ఉత్తరాది ప్రేక్ష‌కులు ఈ వెబ్ సిరీస్ కంటెంట్ కు ఫిదా అవుతున్నారు. అయితే, ఈ త‌రుణంలో అంద‌రికీ ఓ స‌ర్ ప్రైజ్ ఇచ్చారు భ‌న్సాలీ.

ఈ వెబ్ సిరీస్ కు సీక్వెల్ కూడా ఉంటుంద‌ని ఆయ‌న తాజాగా రివీల్ చేశారు. దీంతో హీరామండి సీజ‌న్-2 ఎలాంటి కంటెంట్ తో వస్తుందా.. అది ఆడియెన్స్ ను ఎంతలా ఆక‌ట్టుకుంటుందా.. అని అభిమానులు ఆస‌క్తిగా చూస్తున్నారు. ఇక ఈ సీజ‌న్-2 కోసం భ‌న్సాలీ ఇప్ప‌టికే క‌థా నేప‌థ్యం రెడీ చేసుకున్న‌ట్లుగా బి-టౌన్ వ‌ర్గాల్లో టాక్ వినిపిస్తోంది.

‘హీరామండి’ వెబ్ సిరీస్ ను భార‌త‌దేశ స్వాతంత్య్ర స‌మ‌యంలో పాకిస్థాన్ లోని లాహోర్ లో జ‌రిగిన కొన్ని ఘ‌ట‌న‌ల నేప‌థ్యంలో తెర‌కెక్కించారు. ఇప్పుడు సీజ‌న్-2 క‌థ ఎక్క‌డి నుంచి మొద‌లవుతుందా అని అభిమానులు ఆస‌క్తిగా చూస్తున్నారు. ఇక ఈ వెబ్ సిరీస్ సీజ‌న్-2 షూటింగ్ ను 2026లో ప్రారంభించ‌నున్న‌ట్లు తెలుస్తోంది. ‘హీరామండి’ వెబ్ సిరీస్ లో మ‌నీషా కొయిరాల‌, సోనాక్షి సిన్హా, అదితి రావు హైద‌రి, రిచా చ‌ద్దా, సంజీదా షేక్, ష‌ర్మిన్ సెగ‌ల్ త‌దిత‌రులు ముఖ్య పాత్ర‌ల్లో న‌టించారు.

Mehfil phir se jamegi, Heeramandi: Season 2 jo aa raha hai ????✨????#HeeramandiOnNetflix #Heeramandi #HeeramandiTheDiamondBazaar pic.twitter.com/ns02aVh6ly

— Netflix India (@NetflixIndia) June 3, 2024